Сядзіба (Кобрынь)

Помнік грамадзянскай архітэктуры
Сядзіба
Сядзіба
Краіна	Беларусь
Места	Кобрынь
Каардынаты	52°12′33.41″ пн. ш. 24°21′19.62″ у. д.
Архітэктурны стыль	клясыцызм
Дата заснаваньня	1790
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Сядзіба на мапе Беларусі Сядзіба
Сядзіба на Вікісховішчы

Сядзіба — помнік архітэктуры канца XVIII ст. у Кобрыні. Знаходзіцца ў цэнтры места, на гістарычнай Губэрніяльнай вуліцы. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Вялікае Княства Літоўскае

Драўляную сядзібу ў Кобрыні збудавалі ў 1794 годзе. Не захавалася зьвестак пра аўтара праекту і першага гаспадара сядзібы. Відаць, па здушэньні паўстаньня 1794 году пад кіраўніцтвам Тадэвуша Касьцюшкі сядзібу адабралі ў гаспадароў, бо ў канцы 1795 году яна ўжо стаяла парожняй.

Пад уладай Расейскай імпэрыі

Па трэцім падзеле Рэчы Паспалітай, калі Кобрынь апынуўся ў складзе Расейскай імпэрыі, у 1797 годзе расейскія ўлады пасялілі ў сядзібе Аляксандра Суворава.

У 1860 годзе ў доме жыў адзін з кіраўнікоў нацыянальна-вызвольнага паўстаньня 1863—1864 гадоў генэрал Рамуальд Траўгут.

Найноўшы час

Будынак згарэў у Другую сусьветную вайну. У 1948 годзе сядзібу аднавілі і прыстасавалі пад вайскова-гістарычны музэй. У 1980 годзе будынак рэстаўравалі.

Архітэктура

Помнік архітэктуры клясыцызму. Гэта прастакутны ў пляне 1-павярховы будынак, накрыты гонтавым вальмавым дахам. Сымэтрычна-восевая кампазыцыя галоўнага і дваровага фасадаў вылучаецца ў цэнтры ганкамі (на чатырох слупах), завершанымі трыкутнымі франтонамі. Атынкаваныя сьцены праразаюцца прастакутнымі вокнамі і акаванымі аканіцамі.

Плян анфілядны. Абапал галоўнага ўваходу стаяць дзьве гарматы 1812 году.

Галерэя

• Гістарычныя здымкі і графіка
• 
  XIX ст.
• 
  Сядзіба Губэрня, 1899 г.
• 
  1915—1918 гг.
• 
  1935 г.

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  112Д000401

• Сядзіба ў Кобрыні, Globus.tut.by