Сэнт Вінсэнт (заліў)

Пляж Масьлін Біч, як і практычна ўсе пляжы Адэлаіды, разьмешчаны на беразе заліва Сэнт-Вінсэнт

Сэнт Ві́нсэнт (па-ангельску: Gulf Saint Vincent, ці Gulf of St. Vincent) — вялікі заліў у паўднёвай частцы Аўстраліі, на тэрыторыі штата Паўднёвая Аўстралія. Абмежаваны двума паўастравамі: паўвостравам Ёрк з захаду і паўвостравам Фляро з паўднёвага ўсходу. На паўднёвым захадзе, ля выхаду з заліва ў Індыйскі акіян, знаходзіцца востраў Кенгуру.

Шматлікія прыгарады сталіцы Паўднёвай Аўстраліі, гораду Адэлаіды, раскінуліся ўздоўж усходняга берага заліва; уласна Адэлаіда (цэнтральная адміністрацыйная адзінка) знаходзіцца ў некалькіх кілямэтрах ад берага. Іншымі буйнымі населенымі пунктамі на заліве зьяўляюцца: горад Ардрасан, Порт Ўэйкфілд, Ідытбэрг і Порт Вінсэнт.

Вонкавыя спасылкі

Сэнт Вінсэнт (заліў) — сховішча мультымэдыйных матэрыялаў

• Friends of Gulf St Vincent ^(анг.)