Сэм Райнгарт
| Сэм Райнгарт | ||
|---|---|---|
 | ||
| Рост | 192 см | |
| Вага | 87 кг | |
| Пазыцыя | цэнтральны нападнік | |
| Кідок/Ловы | правы[d] | |
| Грамадзянства | ||
| Дата нараджэньня | 6 лістапада 1995 (30 гадоў) | |
| Месца нараджэньня | ||
| Клюб | Флорыда Пантэрз | |
| Выступаў за | ||
| Драфт НХЛ | 2, 2014 Бафала Сэйбрз | |
| Гульнявая кар’ера | 2014 — цяпер | |
Сэм Ра́йнгарт (па-ангельску: Sam Reinhart; нар. 6 лістапада 1995 году) — канадзкі хакеіст, нападнік клюбу «Флорыда Пантэрз» з Нацыянальнай хакейнай лігі. У 2014 годзе быў абраны на драфце НХЛ клюбам «Бафала Сэйбрз» у першым раўндзе пад агульным 2-м нумарам[1]. Здабываў Кубак Стэнлі два гады запар у складзе «Флорыды Пэнтэрз» у 2024 і 2025 гадах.
Кар’ера
[рэдагаваць | рэдагаваць код]Пасьля таго, як на драфце НХЛ 2014 году «Бафала Сэйбрз» абралі хакеіста пад другім агульным нумарам, Райнгарт склаў з клюбам трохгадовы кантракт пачаткоўца[2]. Дэбютаваў у НХЛ 9 кастрычніка 2014 году ў матчы супраць «Каламбус Блю Джэкетс», стаўшы шостым наймаладзейшым гульцом клюбу[3]. Першы пункт набраў, зрабіўшы галявую перадачу на Нікаля Дэляр’е, 25 кастрычніка ў матчы супраць «Сан-Хасэ Шаркс»[4]. Ужо з сэзону 2015—2016 гадоў стаў гульцом асноўнага складу каманды. Пры гэтым хутка быў прасунуты ў першую тройку нападнікаў, дзе гуляў поруч з Раянам О’Райлі і Эвандэрам Кейнам. 10 студзеня 2016 году канадзец аформіў свой першы хет-трык у НХЛ у пераможным матчы супраць «Вініпэг Джэтс», які скончыўся зь лікам 4:2. 1 красавіка 2018 году ён зрабіў свой другі хет-трык у кар’еры ў НХЛ у пераможным матчы супраць «Нэшвіл Прэдатарз», які скончыўся зь лікам 7:4[5]. Гэты галявы матч дапамог Райнгарту завяршыць рэгулярны сэзон з рэкорднымі паказьнікамі паводле згуляных матчаў, галоў, пунктаў, галоў у большасьці і пунктаў у большасьці. 19 верасьня 2018 году спартовец склаў новы двухгадовы кантракт з «Сэйбрз» на 7,3 мільёнаў даляраў[6], а 25 кастрычніка 2020 году склаў новае пагадненьне з клюбам на адзін сэзон на 5,2 мільёнаў даляраў[7].
24 ліпеня 2021 году канадзец быў абменены ў «Флорыду Пантэрз» на Дэвана Леві і выбар першага раўнду драфту 2022 году[8]. 11 жніўня Райнгарт падпісаў трохгадовы кантракт з «Пантэрз» на 19,5 мільёнаў даляраў[9]. 24 чэрвеня 2024 году ў 7-й гульні фіналу Кубка Стэнлі 2024 году ён закінуў найважнейую шайбу, якая стала вырашальная, бо вывела «Пантэрз» наперад у час матчу, што прывяло да першага здабыцьця флорыдцамі Кубка Стэнлі. 1 ліпеня 2024 году ён падпісаў новы васьмігадовы кантракт на 69 мільёнаў даляраў, які мусіць захаваць гульца ў складзе да сэзону 2031—2032 гадоў[10]. У сэзоне 2024—2025 гадоў хакеіст закінуў 39 шайбаў, што было найбольшай колькасьцю сярод усіх гульцоў «Пантэрз», а спартовец таксама быў лідэрам каманды паводле колькасьці набраных пунктаў, паклаўшы на рахунак 81 пункт у 79 гульнях. У шостым матчы фінальнай сэрыі Кубка Стэнлі спартовец улучыў чатыры галы ў браму «Эдмантан Ойлерз», а ягоны клюб у другі раз запар узяў галоўны трафэй НХЛ.
Крыніцы
[рэдагаваць | рэдагаваць код]- ↑ Sabres select Sam Reinhart with their first pick in the NHL Draft // The Buffalo News, 06.2013 г.
- ↑ Sabres Sign Reinhart. National Hockey League (07.2014). Архіўная копія ад 07.2014 г.
- ↑ Reinhart's Skill Draws From Multi-Sport Upbringing. NHLPA (11.2018).
- ↑ Sabres know way to win in San Jose. Reuters (10.2014).
- ↑ Reinhart scores 3 as Sabres stun NHL-leading Predators 7-4. ESPN (04.2018).
- ↑ Sabres sign Reinhart to 2-year deal. National Hockey League (09.2018).
- ↑ Sabres, Reinhart agree to 1-year contract. National Hockey League (10.2020).
- ↑ Reinhart traded to Panthers by Sabres. National Hockey League (07.2021).
- ↑ Reinhart signs three-year contract with Panthers. National Hockey League.
- ↑ Guy, Colby Stanley Cup Game 7 hero Sam Reinhart signs $69M, 8-year contract extension with Florida Panthers. The Palm Beach Post.