Сэзар (кінапрэмія)
«Сэзар» (ад франц. César — «Цэзар») — нацыянальная кінаўзнагарода Францыі. Уручаецца з 1975 году Акадэміяй кінэматаграфічных мастацтваў і тэхналёгіяў (Académie des arts et techniques du cinéma) паводле вынікаў галасаваньня.
Назву прэмія атрымала ў гонар францускага скульптара Сэзара Бальдачыні.
Цырымонія ўручэньня ўзнагародаў праходзіць штогод у лютым у парыскім тэатры «Шатле».
Найбольшая колькасьць прэміяў «Сэзар» (па 10) атрымлівалі 2 фільма ў гісторыі — «Апошняе мэтро» (1980) рэжысэра Франсуа Труфо і «Сырано дэ Бэржэрак» (1990) рэжысэра Жан-Поля Рапно.