Сьвір (возера)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Возера
Сьвір
Краіна Беларусь
Плошча 22,28 км²
Плошча вадазбору 364 км²
Максымальная глыбіня 8,7 м
Найбольшая даўжыня 14,1 км
Найбольшая шырыня 2,27 км
Даўжыня берагавой лініі 31,2 км
Вышыня над узроўнем мора
Аб’ём вады 104,3 млн м³
Каардынаты 54°48′24.19″ пн. ш. 26°28′28.73″ у. д. / 54.8067194° пн. ш. 26.4746472° у. д. / 54.8067194; 26.4746472Каардынаты: 54°48′24.19″ пн. ш. 26°28′28.73″ у. д. / 54.8067194° пн. ш. 26.4746472° у. д. / 54.8067194; 26.4746472
Сьвір на мапе Беларусі
Сьвір
Сьвір
Сьвір
Commons-logo.svg Галерэя здымкаў у Вікісховішчы

Сьвір — возера ў Мядзельскім раёне Менскай вобласьці. Знаходзіцца за 27 км на паўднёвы захад ад Мядзела, каля гарадзкога пасёлка Сьвір. Належыць да групы Сьвірскіх азёр.

Возера знаходзіцца ў басэйне ракі Страча. Плошча Сьвір складае 22,28 км². Найбольшая глыбіня возера — 8,7 м. Даўжыня возера — 14,1 км, найбольшая шырыня — 2,27 км. Даўжыня берагавой лініі — 31,2 км. Аб’ём вады ў возеры складае 104,3 млн м³, плошча вадазбору возера — 364 км².

Заходнія схілы возера маюць вышыню 12—15 м, участкамі вышыня сягае 25 м, разараныя альбо знаходзяцца пад хмызьняком. Схілы на ўсходзе маюць вышыню 3—5 м і паросьлі лесам. Берагі возера высокія, але месцамі зьліваюцца з схіламі. На ўсходзе берагі нізкія, забалочаныя.

На ўсходзе і поўначы пойма выразная, яе шырыня складае да 200 м, знаходзіцца пад зрэджаным хмызьняком, забалочаная і зрэзаная сеткай мэліярацыйных каналаў.

У возеры пераважаюць глыбіні каля 6 м. У цэнтры і на поўдні Сьвір мае пяшчаныя мелі, глыбіня на якіх складае 2 і 3,4 м.

Дно вадаёма да глыбіні 4 м пяшчанае, на большых глыбінях высланае сапрапэлем. Сьвір моцна зарастае ўздоўж берагоў. Шырыня паласы трысьнягу ў вытоку Сьвірыцы і месцы ўпадзеньня Смолкі сягае 200 м.

У возера ўпадаюць рэкі Смолка, Вялікі Перакоп. На поўначы з вадаёма выцякае рака Сьвірыца.

Возера зьяўляецца месцам адпачынку, непадалёк ад вадаёма збудаваная здраўніца «Сьвір».

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1..

Вонкавыя спасылкі[рэдагаваць | рэдагаваць крыніцу]