Суві Мінкінэн

Суві Мінкінэн

Агульная інфармацыя

Грамадзянства

Фінляндыя

Нарадзілася

8 сьнежня 1994 (31 год)

Joutsa^[d], Joutsa sub-region^[d], Цэнтральная Фінляндыя^[d], Central Finland Province^[d], Фінляндыя

Рост

176 см

Кубак сьвету
(у тым ліку Алімпійскія гульні)

Перамог

3

Подыюмаў

11

Мэдалі
Чэмпіянат сьвету
Бронза	Ленцэргайдэ-2025	Спрынт

Су́ві Мі́нкінэн (па-фінску: Suvi Minkkinen; 8 сьнежня 1994 году) — фінская біятляністка. Акрамя біятлёну, таксама брала ўдзел у спаборніцтвах па лыжных гонках на нацыянальным узроўні.

Кар’ера

У 2013 і 2014 гадах Мінкінэн брала ўдзел у юніёрскіх чэмпіянатах сьвету па біятлёне, але значных посьпехаў ёй бракавала. Пэўны час сумяшчала біятлён з лыжнымі гонкамі, беручы ўдзел у спаборніцтвах нацыянальнага ўзроўню. У сэзоне 2017—2018 гадоў спартоўка дэбютавала на этапе Кубак сьвету. Тады ў Эстэрсундзе скончыла на 78-м радку ў індывідуальнай гонцы і была 87-й у спрынце. У лютым 2018 года ў складзе зборнай Фінляндыі ўзяла ўдзел у зімовых Алімпійскіх гульнях, але мела толькі 69-ы вынік у індывідуальнай гонцы.

У 2019 годзе фінка ўпершыню выступіла на чэмпіянаце сьвету, а найлепшым для яе сталася 22-е месца ў эстафэце. У 2022 годзе брала ўдзел у зімовых Алімпійскіх гульнях у Пэкіне. На тых гульнях у складзе мяшанай каманды ў эстафэце фінішавала на 11-м радку. Першы подыюм на этапах Кубка сьвету здабыла ў сэзоне 2023—2024 гадоў на спаборніцтвах у Осьлё, заваяваўшы бронзавы мэдаль у адзіночнай мяшанай эстафэце^[1]. У 2024 годзе Мінкінэн стала ўладальніцай двух срэбных мэдалёў летняга чэмпіянату сьвету па біятлёне.

У сэзоне 2024—2025 гадоў на першым этапе ў Фінляндыі спартоўка здабыла бронзавы мэдаль Кубка сьвету ў індывідуальным спрынце^[2]. У Ленцаргайдэ на чэмпіянаце сьвету 2025 году стала бронзавай прызэркай у спрынце на 7,5 км. 5 сьнежня 2025 году перамагла ў спрынце на этапе Кубка сьвету ў Эстэрсундзе. Праз два дні ў тым жа месьце была другім у гонцы перасьледу, паўтарыўшы посьпех праз амаль два тыдні ў Ансі. У лютым на зімовых Алімпійскіх гульнях 2026 году разжылася першым алімпійскім мэдалём, то бок бронзай у гонцы перасьледу.

Крыніцы

↑ Суви Минккинен, биатлонистка, 30 лет, рост, вес, биография и карьера, фото и видео на Sports.ru. Sports.ru. Архіўная копія ад 13.02.2025 г.
↑ ❄️ Кубок мира. Давидова победила в спринте, Эльвира Оберг – 2-я, Минккинен – 3-я. Sports.ru. Архіўная копія ад 27.02.2025 г.

Вонкавыя спасылкі

Профіль (анг.) на FIS
Старонка на IBU.

[1] Суви Минккинен, биатлонистка, 30 лет, рост, вес, биография и карьера, фото и видео на Sports.ru. Sports.ru. Архіўная копія ад 13.02.2025 г.

[2] ❄️ Кубок мира. Давидова победила в спринте, Эльвира Оберг – 2-я, Минккинен – 3-я. Sports.ru. Архіўная копія ад 27.02.2025 г.

[1]

[2]