Беларускі дзяржаўны пэдагагічны ўнівэрсытэт імя Максіма Танка

Беларускі дзяржаўны пэдагагічны ўнівэрсытэт імя Максіма Танка
Мінскі настаўніцкі інстытут, Мінскі інстытут народнай адукацыі, Педагагічны факультэт БДУ, Беларускі дзяржаўны вышэйшы педагагічны інстытут, Мінскі дзяржаўны педагагічны інстытут, Мінскі дзяржаўны педагагічны інстытут імя А. М. Горкага, Беларускі дзяржаўны педагагічны ўніверсітэт, Менскі настаўніцкі інстытут, Менскі інстытут народнай адукацыі, Пэдагагічны факультэт БДУ, Беларускі дзяржаўны вышэйшы пэдагагічны інстытут, Менскі дзяржаўны пэдагагічны інстытут, Менскі дзяржаўны пэдагагічны інстытут імя Максіма Горкага, Беларускі дзяржаўны пэдагагічны ўнівэрсытэт, Беларускі дзяржаўны пэдагагічны ўнівэрсытэт імя Максіма Танка, Білоруський державний вищий педагогічний інститут
Галоўны корпус БДПУ
Лягатып
Заснаваны	21 лістапада 1914
Рэктар	Пётар Кухарчык
Факультэтаў	13
Месцазнаходжаньне
Горад	Менск
Краіна	Беларусь
Былыя назвы	Менскі настаўніцкі інстытут Менскі інстытут народнай адукацыі Беларускі дзяржаўны вышэйшы пэдагагічны інстытут
Вэб-сайт	new.bspu.unibel.by
Беларускі дзяржаўны пэдагагічны ўнівэрсытэт імя Максіма Танка ў Вікісховішчы

Беларускі дзяржаўны пэдагагічны ўнівэрсытэт імя Максіма Танка — установа вышэйшай адукацыі ў статусе ўнівэрсытэту (з 8 верасьня 1993). Месьціцца ў Менску (Беларусь). Ажыцьцяўляе падрыхтоўку выкладнікаў матэматыкі, хіміі, фізыкі, псыхалёгіі, геаграфіі і інш.

ВНУ узнагароджаная ордэнам Працоўнага Чырвонага Сьцяга за посьпехі ў падрыхтоўцы выкладніцкіх кадраў і навуковай дзейнасьці (1972), Ганаровым дзяржаўным сьцягам Рэспублікі Беларусь (1997). Уваходзіць, як сапраўдны чалец, у Эўразійскую асацыяцыю ўнівэрсытэтаў (красавік 2007).

БДПУ зьяўляецца першай менскай пэдагагічнай навучальнай установай (1914).

Гісторыя

21 лістапада 1914 у Менску адбылося ўрачыстае адкрыцьцё Настаўніцкага інстытуту. Пастановай Усерасейскага зьезду (1918) Менскі настаўніцкі інстытут набыў статус ВНУ і перайшоў на 4-рочны тэрмін навучаньня.

З 1 студзеня 1920 Менскі інстытут народнай адукацыі ўваходзіць у склад БДУ ў якасьці пэдагагічнага факультэту, з 28 ліпеня 1931 Пэдагагічны факультэт БДУ вылучаецца ў самастойную адзінку — Беларускі дзяржаўны вышэйшы пэдагагічны інстытут. У 1936 Менскаму дзяржаўнаму пэдагагічнаму інстытуту прысвоена імя А. М. Горкага, у 1995 — імя Максіма Танка.

8 верасьня 1993 Менскі дзяржаўны інстытут атрымаў статус унівэрсытэта. У лютым 2006 Геральдычная камісія зацьвердзіла сымболіку БДПУ.

Рэктарам зьяўляецца Пётар Кухарчык.

Структура

Факультэты

Зараз ва ўнівэрсытэце налічваецца 13 факультэтаў:

• Гістарычны факультэт
• Матэматычны факультэт
• Факультэт даўнівэрсытэцкай падрыхтоўкі
• Факультэт дашкольнай адукацыі
• Факультэт прыродазнаўства
• Факультэт фізычнага выхаваньня
• Факультэт пачатковай адукацыі
• Факультэт псыхалёгіі
• Факультэт беларускай і расейскай філялёгіі і культуры
• Факультэт адмысловай адукацыі
• Факультэт сацыяльна-пэдагагічных тэхналогіяў
• Фізычны факультэт
• Факультэт эстэтычные адукацыі

Падраздзяленьні

1. Студэнцкі турысцкі клюб «Гарызонт»

Вонкавыя спасылкі

• Афіцыйны сайт унівэрсытэту
• Сайт турклюбу «Гарызонт»