Эдгарс Масальскіс

Эдгарс Масальскіс (па-латыску: Edgars Masaļskis; нарадзіўся 31 сакавіка 1980) — латыскі хакеіст, які з 2009 году грае за ХК «Дынама Рыга», брамнік.

Кар’ера

Эдгарс Масальскіс пачаў сваю кар’еру на радзіме ў Латвіі, дзе з 1996 па 1998 год гуляў спачатку за Лідо Нафта Рыга, а потым за ХК «Рыга». Таксама гуляў за «Ліепаяс Мэталюргс». У 2002—2003 гадох у складзе «ХК Сыбір» і швэдзкага клюбу «Mörrum GoIS». Граў у складзе чэскіх клюбаў «Энэргія», «Дукла Жыхлава». Пасьля году, праведзенага ў «Няфцяніку», пераязджае на Беларусь і грае ў 2006—2007 гадох за ХК «Менск», ХК «Юнацтва Менск», «Мэталюрг Жлобін». У 2008 годзе — у складзе «Дынама Рыга», пазьней у «Фюхсэ Дуйбург». Масальскіс мае на сваім рахунку 5 гульняў за нацыянальную зборную Латвіі на Чэмпіянатах сьвету і ўдзел у Алімпійскіх гульнях.