Дадатны лік

Дада́тны лік - лік, большы за нуль. Для абазначэньня дадатнасьці ўжываецца знак «+», які ставіцца перад лічбавым абазначэньнем ліка:

• +1 (чытаецца «плюс адзін»)
• +23 (чытаецца «плюс дваццаць тры») і г.д.

Знак «+», аднак, ужываецца толькі тады, калі неабходна спэцыяльна падкрэсьліць, што лік зьяўляецца дадатным. Звычайна ж ён апускаецца, гэта значыць пішацца проста 1, 23 і г.д.

Дадатным лікам зьяўляецца:

• любы натуральны лік
• сума любых дадатных лікаў
• здабытак любых дадатных лікаў
• дзель любых дадатных лікаў.

Для кожнага дадатнага ліка існуе адзіны адмоўны лік, які зьяўляецца супрацьлеглым да яго, гэта значыць, мае такі ж модуль, але супрацьлеглы знак.