Ханіяра

Ханіяра (па-ангельску: Honiara) – сталіца Саламонавых выспаў, адначасова зьяўляецца сталіцай правінцыі Гуадалканал. Колькасьць насельніцтва налічвае 54,6 тыс. чалавек. Сталічны статус горад атрымаў у 1976 годзе, калі Саламонавыя выспы атрымалі аўтаномію, а ў 1978 годзе горад стаў сталіцай незалежнай краіны.

Ханіяра зьяўляецца партовым горадам, які знаходзіцца на ўзьбярэжжы выспы Гуадалканал, на якой акрамя шырокай узьбярэжнай нізіны, знаходзіцца самая высокая кропка Саламонавых выспаў – гара Маракамбуру (2 330 м).

Клімат у горадзе субэкватарыяльны, сьпякотны і вільготны. Тэмпэратура на працягу года амаль не зьмяняецца і вагаецца вакол +25°С. Сьпякотны і вільготны сэзон цягнецца са студзеня да красавіка, калі на Саламонавых выспах пануюць паўночна-заходнія мусоны. З красавіка да лістапада надвор’е сухое і больш прахалоднае, дзякуючы паўднёва-усходнім пасатам. Ападкаў выпадае каля 2250 мм у год.

Насельніцтва горада складаецца ў асноўным з мэлянэзійцаў. Афіцыйнай мовай зьяўляецца ангельская, але жыхары размаўляюць на піджын інгліш – мясцовым дыялекце ангельскай мовы.

Вонкавыя спасылкі

Ханіяра — сховішча мультымэдыйных матэрыялаў