Кэдман

Гімн Кэдмана

Адна з двух кандыдатаў на самую раньнюю копію «Гімна Кэдмана». Захоўваецца ва ўнівэрсітэцкай бібліятэцы Кэмбрыджа.

«Гімн Кэдмана» - адзіны вершаваны твор з усёй літаратурнай спадчыны пісьменьніка, які захаваўся. Паэма вядомая з дваццаці аднае манускрыптавае копіі, што робіць яе найбольш задакумэнтаваным стараангельскім творам пасьля «Песьні сьмерці» Бэды (35 сведчаньняў) і самым задакумэнтаваным творам у калекцыі перадрукаваных альбо ўласных вершаваных манускрыптаў Вялікабрытаніі ў часы англасаксонскага пэрыяду. «Гімн» мае вельмі заблытаную гісторыю свайго тэксту з усіх англасаксонскіх паэмаў, што захаваліся. Варыянты гэтага твору знойдзены на двух дыялектах і ў пяці розных рэдагаваньнях (Нартумбрыйская aelda, Нартумбрыйская eordu, Усходнесаксонскае eorðan, Заходнесаксонскае ylda, і Заходнесаксонскае eorðe), зь якіх усе акрамя аднаго вядомыя з трох і болей крыніцаў.

Нартумбрыйскі дыялект nu scylun hergan hefaenricaes uard metudæs maecti end his modgidanc uerc uuldurfadur swe he uundra gihwaes eci dryctin or astelidæ he aerist scop aelda barnum heben til hrofe haleg scepen. tha middungeard moncynnæs uard eci dryctin æfter tiadæ firum foldu frea allmectig

Транскрыпцыя з мовы арыгіналу [nuː ˈskʲylun ˈherjɑn ˈhevænriːkʲæs wɑrd ˈmetudæs ˈmæxti end his ˈmoːdɣiðɔnk werk ˈwuldurfɑdur sweː heː ˈwundrɑ ɣiˈhwæs ˈeːkʲi ˈdryxtin or ɑːˈstelidæ heː ˈæːrist skoːp ˈældɑ ˈbɑrnum ˈheven til ˈhroːve ˈhɑːleɣ ˈskʲepːen θɑː ˈmidːunɣæɑrd ˈmɔnkʲynːæs wɑrd ˈeːkʲi ˈdryxtin ˈæfter ˈtiadæ ˈfirum ˈfoldu ˈfræːɑ ˈɑlːmextiɣ]

Пераклад на беларускую Уславім годна Гаспадара Горняга, Магуцце Дужага й задуму Ягоную, Сільнага справу — як усім дзівосам, Валадар Адвечны, даў Ён пачатак, Нябёсы паставіў — зямным істотам Дах цудоўны, Добры Стварыцель, І зямлю сярэдзінную, людзям прыстанак, Валадар Адвечны даáлей вырабіў, Надзейную сушу, Суддзя Ўсяслаўны.

Пераклад Бэды на лацінскую Nunc laudare debemus auctorem regni caelestis, potentiam creatoris, et consilium illius facta Patris gloriae: quomodo ille, cum sit aeternus Deus, omnium miraculorum auctor exstitit; qui primo filiis hominum caelum pro culmine tecti dehinc terram custos humani generis omnipotens creavit.