Беларускі дзяржаўны пэдагагічны ўнівэрсытэт імя Максіма Танка

Беларускі дзяржаўны пэдагагічны ўнівэрсытэт імя Максіма Танка
Мінскі настаўніцкі інстытут, Мінскі інстытут народнай адукацыі, Педагагічны факультэт БДУ, Беларускі дзяржаўны вышэйшы педагагічны інстытут, Мінскі дзяржаўны педагагічны інстытут, Мінскі дзяржаўны педагагічны інстытут імя А. М. Горкага, Беларускі дзяржаўны педагагічны ўніверсітэт, Менскі настаўніцкі інстытут, Менскі інстытут народнай адукацыі, Пэдагагічны факультэт БДУ, Беларускі дзяржаўны вышэйшы пэдагагічны інстытут, Менскі дзяржаўны пэдагагічны інстытут, Менскі дзяржаўны пэдагагічны інстытут імя Максіма Горкага, Беларускі дзяржаўны пэдагагічны ўнівэрсытэт, Беларускі дзяржаўны пэдагагічны ўнівэрсытэт імя Максіма Танка, Білоруський державний вищий педагогічний інститут
Галоўны корпус БДПУ
Лягатып
Заснаваны	21 лістапада 1914
Рэктар	Пётар Кухарчык
Факультэтаў	14
Месцазнаходжаньне
Горад	Менск
Краіна	[[Беларусь]]
Былыя назвы	Менскі настаўніцкі інстытут Менскі інстытут народнай адукацыі Беларускі дзяржаўны вышэйшы пэдагагічны інстытут
Вэб-сайт	new.bspu.unibel.by
Беларускі дзяржаўны пэдагагічны ўнівэрсытэт імя Максіма Танка ў Вікісховішчы

Беларускі дзяржаўны пэдагагічны ўнівэрсытэт імя Максіма Танка — установа вышэйшай адукацыі ў статусе ўнівэрсытэту (з 8 верасьня 1993). Месьціцца ў Менску, Беларусь. Ажыцьцяўляе падрыхтоўку выкладнікаў матэматыцы, хіміі, фізыкі, псыхалёгіі, геаграфіі і інш.

ВНУ узнагароджана ордэнам Працоўнага Чырвонага Сьцяга за посьпехі ў падрыхтоўцы выкладніцкіх кадраў і навуковай дзейнасьці (1972), Ганаровым дзяржаўным сьцягам Рэспублікі Беларусь (1997). Уваходзіць, як сапраўдны чалец, у Эўразійскую асацыяцыю ўнівэрсытэтаў (красавік 2007).

ВНУ зьяўляецца першай менскай пэдагагічнай навучальнай установай (1914).

Гісторыя

21 лістапада 1914 у Менску адбылося ўрачыстае адкрыцьцё Настаўніцкага інстытуту. Пастановай Усерасейскага зьезду (1918) Менскі настаўніцкі інстытут набыў статус ВНУ і перайшоў на 4-рочны тэрмін навучаньня.

З 1 студзеня 1920 Менскі інстытут народнай адукацыі ўваходзіць у склад БДУ ў якасьці пэдагагічнага факультэту, з 28 ліпеня 1931 Пэдагагічны факультэт БДУ вылучаецца ў самастойную адзінку — Беларускі дзяржаўны вышэйшы пэдагагічны інстытут. У 1936 Менскаму дзяржаўнаму пэдагагічнаму інстытуту прысвоена імя А. М. Горкага, у 1995 — імя Максіма Танка.

8 верасьня 1993 Менскі дзяржаўны інстытут атрымаў статус унівэрсытэта. У лютым 2006 Геральдычная камісія зацьвердзіла сымболіку БДПУ.

Рэктарам зьяўляецца Пётар Кухарчык.

Структура

Зараз ва ўнівэрсытэце налічваецца 14 факультэтаў:

1. Гістарычны факультэт
2. Факультэт беларускай філялёгіі і культуры
3. Факультэт расейскай філялёгіі
4. Факультэт сацыяльна-пэдагагічных тэхналогіяў
5. Факультэт дашкольнай адукацыі
6. Факультэт псыхалёгіі
7. Факультэт народнай культуры
8. Фізычны факультэт
9. Матэматычны факультэт
10. Факультэт пачатковай адукацыі
11. Музычна-пэдагагічны факультэт
12. Факультэт адмысловай адукацыі
13. Факультэт прыродазнаўства
14. Факультэт даўнівэрсытэцкай падрыхтоўкі

Вонкавыя спаслыкі

• Афіцыйны сайт унівэрсытэту