Гексозы

Гексо́за - агульны хімічны назоў кляса шасьцівугляродных монасахарыдаў, гэта значыць, монасахарыдаў, агульнай формулай якіх зьяўляецца C₆(H₂O)₆, або C₆H₁₂O₆. Тыповымі прыкладамі гексозаў зьяўляюцца D-глюкоза, D-маноза, D-фруктоза, сарбітол, D-глюказамін.

Яны маюць або альдэгідную функцыянальную групу ў пазыцыі 1 (альдагексозы), або кетонавую функцыянальную групу ў пазыцыі 2 (кетагексозы).

Альдагексозы маюць чатыры хіральныя цэнтры і, такім чынам, 16 магчымых стэрэаізамэраў. Зь іх толькі 3 трапляюцца ў прыродзе — D-глюкоза, D-галяктоза і D-маноза.

Кетагексозы маюць 3 хіральныя цэнтры і, такім чынам, 8 магчымых стэрэаізамэраў. Зь іх у прыродзе трапляюцца толькі 4 D-ізамэры — D-фруктоза, D-псыкоза, D-сарбоза і D-тагатоза.

Толькі натуральныя гексозы могуць фэрмэнтавацца дражджамі.