Біржы

Біржы
лет. Biržai
Герб Біржаў
Першыя згадкі:	1455
Горад з:	1589
Краіна:	Летува
Павет:	Панявескі
Плошча:	16,4 км²
Насельніцтва (2017)
колькасьць:	10 954 чал.
шчыльнасьць:	667,93 чал./км²
Часавы пас:	UTC+2
летні час:	UTC+3
Паштовы індэкс:	LT-41001
Геаграфічныя каардынаты:	56°12′0″ пн. ш. 24°45′0″ у. д.
Біржы на мапе Летувы Біржы
Галерэя здымкаў у Вікісховішчы
http://www.birzai.lt/

Бі́ржы (па-летувіску: Biržai) — горад у паўночнай Летуве, разьмяшчаецца на рэках Апашча і Аглуюна і на беразе возера Шырвена. Біржы зьяўляюцца адміністрацыйным цэнтрам Біржаўскага раёну Панявескага павету Летувы. Горад разьмяшчаецца за 201 км на поўнач ад Вільні, недалёка ад мяжы з Латвіяй. Чыгункай (з 1938 году) злучаецца з Панявежам. Насельніцтва гораду налічвае каля 15 тыс. чалавек.

Гісторыя

Першыя згадкі аб горадзе адносяцца да 1455 году, калі Казімер Ягелончык падарыў горад свайму сакратару Рыгору Фрыдконісу. Фрыдконс памёр бязьдзетным і горад перайшоў Радзівілам. Ва ўласнасьці Радзівілаў горад знаходзіўся з 1492 году да сьмерці Багуслава Радзівіла ў 1669 годзе, калі горад перайшоў у нямецкую ўласнасьць, як прыданае дачкі Багуслава. У 1589 годзе Біржы атрымалі магдэбурскае права. Біржы вярнуліся ва ўласнасьць Радзівілаў у другой палове XVIII стагодзьдзя. Горад атрымаў разьвіцьцё дзякуючы таму, што ён знаходзіўся на гандлёвым шляху Рыга — Вільня.

Горад быў значна зруйнаваны падчас паўночнай вайны. У 1701 годзе ў Біржах была заключаная дамова паміж расейскім царом Пятром І і каралём Рэчы Паспалітай Аўгустам Моцным аб сумесных дзеяньнях супраць швэдаў. Пасьля падзелу Рэчы Паспалітай горад у 1794 годзе быў перададзены Тышкевічам.

З 1950 году Біржы — раённы цэнтар Летувіскай ССР.

Біржы. XIX стагодзьдзе. Малюнак Н. Орды