Сампдорыя Генуя

Сампдорыя
Поўная назва	Unione Calcio Sampdoria, SpA
Заснаваны	1 жніўня 1946
Горад	Генуя, Італія
Стадыён	Люіджы Фэрарыс Умяшчальнасьць: 36 536
Прэзыдэнт	Марка Лана[d]
Галоўны трэнэр	Андрэа Пірлё
Чэмпіянат	Сэрыя Б
· 2022—2023	Сэрыя A, 20 месца (паніжэньне)
Галерэя здымкаў у Вікісховішчы sampdoria.it (італ.)​ (анг.)

«Сампдорыя» (па-італьянску: Sampdoria) — італьянскі футбольны клюб з гораду Генуя. Клюб быў створаны ў 1946 годзе ў выніку зьліцьця двух існуючых спартовых клюбаў, карані якога можна прасачыць да 1890-х гадоў, «Самп’ердарэнэзэ» й «Андрэа Дорыя». Сампдорыя ў цяперашні момант гуляе ў Сэрыі А.

І назва каманды й колеры кашуляў адлюстроўваюць адпаведныя прыкметы абодвух клюбаў, як то сплчэньне назваў і сіне-белыя й чырвона-чорныя колеры абодвух з былых клюбаў. Свае хатнія гульні «Сампдорыя» праводзіць на стадыёне «Люіджы Фэрарыс», які здольны зьмясьціць 36 536 аматараў футболу. Гэтую пляцоўку клюб падзяляе зь яшчэ адным прадстаўніком гораду клюбам «Джэноа». Дэрбі паміж двума клюбамі шырока вядома як Дэрбі дэльля Лянтэрна.

«Сампдорыя» атрымоўвала скудэта толькі адзін раз у сваёй гісторыі, у сэзоне 1990—1991 гадоў. Клюб таксама чатыры разы станавіўся пераможцам Кубка Італіі (1985, 1988, 1989 і 1994) і адзін раз перамагаў у розыгрышы Супэркубка Італіі. Іхны самы вялікі эўрапейскі посьпех прыйшоў, калі яны атрымалі перамогу ў Кубку ўладальнікаў кубкаў у 1990 годзе. Яны таксама дасягнулі фіналу Кубак эўрапейскіх чэмпіёнаў ў 1992 годзе, дзе саступілі гішпанскай «Барсэлёне» зь лікам 1:0 пасьля дадатковага часу.

Гісторыя

Раньнія гады

Гімнастычны клюб «Самп’ердарэнэзэ» быў заснаваны ў 1891 годзе, адкрыўшы сваю ​​футбольную сэкцыю толькі ў 1899 годзе. Таксама ў гэты час клюб імя «Таварыства Андрэа Дорыя» быў заснаваны ў 1895 годзе, ён амаль адразу засяродзіў сваю ўвагу на футболе.

Клюб «Андрэа Дорыя» не ўдзельнічаў у першых чэмпіянатах Італіі па футболе, якія былі арганізаваныя італьянскай фэдэрацыі футболу, замест гэтага яны гулялі ў спаборніцтва, якія былі арганізаваныя італьянскай гімнастычнай фэдэрацыяй. Клюб у рэшце рэшт усё ж такі ўступіў у розыгрыш футбольнага чэмпіянату ў 1903 годзе, аднак гульцы не маглі перамагчы ў ніводнай гульні да 1907 году, калі яны нанесьлі паразу сваім мясцовым канкурэнтам клюбу «Джэноа» зь лікам 3:1.

Клюб не паказваў значных посьпехаў, толькі ў сэзоне 1910—1911 гадоў ён аказаўся вышэй па турнірнай табліцы за такія клюбы, як то «Ювэнтус», «Інтэрнацыянале» й «Джэноа» ў розыгрышы свайго рэгіёну.

Пасьля Першай сусьветнай вайны, «Самп’ердарэнэзэ», нарэшце, пачалі выступаць у розыгрышы італьянскага чэмпіянату, пасьля таго як яны выкупілі правінцыйны даваенны клюб «Про Лігурыя». Такім чынам, «Самп’ердарэнэзэ» й «Андрэа Дорыя» сустрэліся ў чэмпіянаце ў першы раз, «дарыянцы» атрымалі перамогу й згулялі ўнічыю (4:1 і 1:1), а таксама занялі другое месца пасьля «Джэноа» ў розыгрышу чэмпіянату ў Лігурыйскай зоне, атрымаўшы, такім чынам, права ўдзелу ў нацыянальным раўндзе.

Склад

Актуальны на 7 верасьня 2021 году

№ Пазыцыя Імя Год нараджэньня 1 Бр Эміль Аўдэра 1997 2 ПА Мортэн Торсьбю 1996 3 Аб Тамаза Аўджэльлё 1994 4 Аб Жульен Шабо 1998 5 ПА Адрыен Сылва 1989 6 ПА Альбін Экдаль 1989 8 ПА Валерыё Вэрэ 1994 9 Нап Эрнэста Тарэгроса 1992 10 Нап Франчэска Капута (ар. Сасуолё) 1987 11 Нап Рыкарда Чэрва (ар. Рома) 2002 12 Аб Фабіё Дэпаолі 1997 14 ПА Раналду Віейра 1998 15 Аб Амар Колі 1992 16 ПА Крыстафэр Аскільдсэн 2001

№ Пазыцыя Імя Год нараджэньня 19 Аб Раду Дрэгушын (ар. Ювэнтус) 2002 20 ПА Магамэд Ігатарэн (ар. Ювэнтус) 2002 22 Аб Мая Ёсіда 1988 23 Нап Манолё Габ’ядыні 1991 24 Аб Барташ Бэрэшынскі 1992 25 Аб Алекс Фэрары 1994 27 Нап Фабіё Квальярэльля (капітан) 1983 29 Аб Нікаля Муру 1994 30 Бр Ніколя Равальля 1988 33 Бр Влядыміра Фальконэ 1995 38 Нап Мікель Дамсгор 2000 70 ПА Сымонэ Трымболі 2002 87 ПА Антоніё Кандрэва 1987

Вонкавыя спасылкі

• Афіцыйны сайт