Ніна Мацяш

Ніна Мацяш
Асабістыя зьвесткі
Нарадзілася	20 верасьня 1943 Нівы, Бярозаўскі раён, Берасьцейская вобласьць, БССР
Памерла	19 сьнежня 2008 (66 гадоў) Белаазёрск, Беларусь
Пахаваная	Бярозаўскі раён
Літаратурная дзейнасьць
Род дзейнасьці	паэтка
Гады творчасьці	1962—2008
Кірунак	паэзія
Мова	беларуская
Дэбют	газэта «Маяк камунізма» і «Во славу Родины» (1962)
Прэміі	прэмія Саюзу Пісьменьнікаў Беларусі імя А.Куляшова (1984) за «Паэму жніва», прэмія Ўсебеларускага фэстывалю моладзі, прысьвечанага 50-годзьдзю ЛКСМБ (1970) за вершы аб моладзі, Міжнародная літаратурная прэмія імя Рыгора Скаварады (Украіна, 2008)
Узнагароды	літаратурная прэмія імя Аркадзя Куляшова (1984) Літаратурная прэмія імя Ўладзімера Калесьніка[d] (2009)
Творы на сайце Knihi.com
Творы на сайце Kamunikat.org

Ніна Мацяш (20 верасьня 1943, Нівы, Бярозаўскі раён — 19 сьнежня 2008, Белаазёрск) — беларуская паэтка і перакладчыца.

Біяграфія

Скончыла факультэт францускай мовы Менскага дзяржаўнага пэдагагічнага інстытуту замежных моваў. Цяжка хварэла. Выкладала нямецкую мову ў Белаазёрскай прафэсійна-тэхнічнай вучэльні ў 1973—1977 гадах. З 1971 сябра Саюзу пісьменьнікаў СССР.

Творчасьць

Дэбютавала вершам у 1962 г. Аўтарка збораў вершаў «Агонь», «Удзячнасьць», «Ральля суровая», «Прыручэньне вясны», «Поўны келіх» ды казак «Два браты і сякера», «Казка пра суседзяў, зьмяю і мядзьведзя».

Перакладала зь нямецкай, польскай, францускай. На беларускую пераклала творы пра камісара Мэгрэ, а таксама «Маленькага прынца» Сэнт-Экзюпэры, навэлі Гі дэ Мапасана.

Грамадзка-асьветніцкая дзейнасьць

На пачатку перабудовы дзякуючы найперш намаганьням Ніны Мацяш у Белаазёрску была створаная культурна-асьветніцкя арганізацыя «Агмень». Ніна Мацяш наладжвала для яе ўдзельнікаў шматлюдныя вечарыны, знаёміла белаазёрцаў зь вядомымі творчымі асобамі.

Зьяўлялася старшынём Берасьцейскага аддзяленьня Саюзу беларускіх пісьменьнікаў з 2006 году і да сваёй сьмерці.

Вонкавыя спасылкі

• Мацяш, Ніна. Вершы // Наша вера. — 2003. — № 2.
• Смаль, Валянцін. Паэтычна-экзістэнцыяльны свет Ніны Мацяш // Białorutenistyka Białostocka. — 2013. — Т. 5. — С. 123-144. — DOI:10.15290/bb.2013.05.07