Васіль Мялешка

Васіль Мялешка
Дата нараджэньня	15 сакавіка 1921(1921-03-15)
Месца нараджэньня	Томск, Савецкая Расея
Дата сьмерці	5 верасьня 2004(2004-09-05) (83 гады)
Месца сьмерці	Менск, Беларусь
Месца вучобы	гістарычны факультэт БДУ (1952)
Занятак	навуковец
Навуковая сфэра	гісторыя
Месца працы	Нацыянальная акадэмія навук Беларусі
Навуковая ступень	доктар гістарычных навук
Вучні	Павал Лойка
Узнагароды

Вікіпэдыя мае артыкулы пра іншых асобаў з прозьвішчам Мялешка.

Васі́ль Іва́навіч Мяле́шка (15 сакавіка 1921, Томск — 5 верасьня 2004, Менск) — беларускі савецкі гісторык. Доктар гістарычных навук (1972), прафэсар (1990).

Жыцьцяпіс

Нарадзіўся ў сям’і беларускіх сялянаў, эвакуяваных у часе Першай сусьветнай вайны у Сыбір зь вёскі Мяльканавічы Гарадзенскай губэрні. Увесну 1921 року сям’я вярнулася на радзіму.

У 1940—1941 роках працаваў настаўнікам, пасьля ўдзельнічаў у нямецка-савецкай вайне. У 1952 року скончыў гістарычны факультэт БДУ. У 1946—1956 роках працаваў настаўнікам і дырэктарам у сярэдніх школах.

У 1956—1991 працаваў у Інстытуце гісторыі АН БССР, у 1980—1991 — загадчык аддзелу гісторыі Беларусі эпохі фэадалізму. У 1960 абараніў кандыдацкую дысэртацыю «Сацыяльна-эканамічнае разьвіцьцё і палітычнае жыцьцё Магілёву ў другой палове XVI — першай палове XVII стст.». У 1972 абараніў доктарскую дысэртацыю «Гаспадарка буйных фэўдалаў Усходняй Беларусі ў другой палове XVII і ў XVIII ст. (да ўзьяднаньня з Расеяй)». У 1987 — старшыня камісіі Акадэміі навук па гісторыі сельскай гаспадаркі і сялянства Беларусі.

Навуковая дзейнасьць

Вядомы як закладальнік беларускай школы гісторыі фэўдалізму. Дасьледаваў сацыяльна-эканамічныя праблемы беларускага фэўдальнага места, пытаньні аграрных дачыненьняў і сацыяльнай барацьбы ў Беларусі XVI—XVIII стагодзьдзяў, вайну з Расеяй 1654—1667 рокаў.

Выбраная бібліяграфія

• Мелешко, В. И. Слоним : исторический очерк / В. И. Мелешко. — Минск : Госиздат БССР, 1962. — 79 с.
• Мелешко, В. И. Очерки аграрной истории Восточной Белоруссии (вторая половина XVII—XVIII вв.) / В. И. Мелешко. — Минск : Наука и техника, 1975. — 246 с.
• Мелешко, В. И. Классовая борьба в белорусской деревне во второй половине XVII—XVIII вв. / В. И. Мелешко. — Минск : Наука и техника, 1982. — 252 с.
• Мелешко, В. И. Могилев в XVI середине XVII в. / В. И. Мелешко. — Минск : Наука и техника, 1988. — 264 с.
• Мялешка, В. І. Паўстанне сялян пад кіраўніцтвам Вашчылы / В. И. Мелешко, П. А. Лойка. — Мінск : Народная асвета, 1988. — 95 с.
• Мялешка, В. І. І ўзняўся люд просты : Да 300-годдзя з дня нараджэння Васіля Вашчылы — кіраўніка Крычаўскага паўстання 1740—1744 гг. / В. И. Мелешко, П. А. Лойка. — Мінск : Беларусь, 1992. — 80 с.
• Мялешка В. І., Капыскі З. Ю., Лойка П. А. Беларусь у канцы XV — сярэдзіне XVI стст. // Скарына і яго эпоха. Мн., 1990.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5
• Институт истории НАН Беларуси в лицах, 1929—2008 гг.: биобиблиографический справочник / Г. В. Корзенко [и др.]; ред. совет: А. А. Коваленя (председатель) [и др.]. — Минск : Белорусская наука, 2008. — 421, [2] с.
• Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9