Віктар Жаўняровіч

Віктар Жаўняровіч
Дата нараджэньня	27 жніўня 1913
Месца нараджэньня	Чыта
Дата сьмерці	27 лютага 2005
Месца сьмерці	Францыя
Месца вучобы	Кансерваторыя імя М. Карловіча[d] Парыская вышэйшая нацыянальная кансэрваторыя музыкі і танку[d]
Занятак	маляр, опэрны сьпявак

Віктар Жаўняровіч (27 жніўня 1913, Чыта - 27 лютага 2005, Францыя) — беларускі мастак і сьпявак.

Жыцьцяпіс

Нарадзіўся ў Чыце у сям’і чыгуначнага служачага, выхадца з Друі. Бацька быў прызваны на Першую сусьветную вайну, адкуль не вярнуўся. У 1922 годзе з маці вярнуўся ў Беларусь. Вучыўся ў гімназіі імя Л. Сапегі ў Друі, пазьней у Кансэрваторыі імя М. Карловіча ў Вільні па клясе опэрнага вакалу.

Адначасова займаўся маляваньнем, удзельнічаў у выставах Таварыства незалежных мастакоў. Быў знаёмы з Фэрдынандам Рушчыцам, Язэпам Драздовічам, Пётрам Сергіевічам.

Другая сусьветная вайна перапыніла навучаньне. У 1945 годзе апынуўся ў Францыі, працаваў на складзе паліва звычайным рабочым. Паступіў у Парыскую кансэрваторыю, дзе вучыўся пад кіраўніцтвам прафэсара Бэрнаці, аднак немагчымасьць атрымаць стыпэндыю змусіла адмовіцца ад навучаньня. Сьпяваў і маляваў прыватна. З часам стаў удзельнікам найважнейшых мастацкіх выставаў, што ладзіліся ў Парыжы, атрымоўваў узнагароды. Меў пэрсанальную выставу, ладжаную БІНіМам у Нью-Ёрку. Тэмы твораў у яго былі ў асноўным беларускія.

Літаратура

• Барыс Сачанка «Беларуская эміграцыя», 1991