Шальке-04 Гельзэнкірхэн: розьніца паміж вэрсіямі

	Шальке 04
Поўная назва	FC Gelsenkirchen-Schalke 04 e.V
Заснаваны	4 траўня 1904
Горад	Гэльзэнкірхэн, Нямеччына
Стадыён	Вэлтынс-Арэна; Умяшчальнасьць: 61 673
Прэзыдэнт	Горст Гэльт
Кіраўнік	Клеменс Тэніс[d]
Галоўны трэнэр	Андрэ Брайтэнрайтэр
Чэмпіянат	Бундэсьліга
· 2014—2015	6 месца
Хатнія колеры	Выязныя колеры
	Галерэя здымкаў у Вікісховішчы; Афіцыйны сайт

Інтэрактыўны прагляд гісторыі

← Папярэдняя зьмена Наступная зьмена →

Вэрсія ад 16:47, 5 сьнежня 2016

«Шальке 04» (па-нямецку: FC Schalke 04) — нямецкі футбольны клюб з раёну Шальке ў Гэльзэнкірхэне, які месьціца ў фэдэральнай зямлі Паўночны Райн — Вэстфалія. Сяміразовы чэмпіён Нямеччыны, чатырохразовы ўладальнік Кубка Нямеччыны. Уладальнік Кубка УЭФА (1997). Назва раёну меркавана азначае маленькае паселішча й перакладаецца прыкладна як «паселішча вакол чэрапа» (ням. «Gegend um den Schädel»), «паселішча на чэрапападобнай мясцовасьці» (ням. «Siedlung an schädelförmiger Gegend»). Адзін з самых папулярных футбольных клюбаў у Нямеччыне. 9 жніўня 2011 году колькасьць чальцоў клюбу перасягнула адзнаку ў 100 тысячаў чалавек, і па гэтым паказчыку «Шальке-04» займае другое месца ў Нямеччыне^[1]^[2]. Найлепшага выніку ў эўракубках клюб дамогся ў 1997 годзе, выйграўшы Кубак УЭФА. Самы закляты вораг «Шальке 04» — дортмундзкая «Барусія». Дэрбі гэтых дзьвюх камандаў называецца Рурскім дэрбі. Гэльзэнкірхэнскі клюб падтрымлівае сяброўскія адносіны з клюбам «Нюрнбэрг». Талісмана клюбу клічуць Эрвін (ням. Ährwin)^[3].

Гісторыя

Раньнія гады

Клюб «Шальке-04» быў заснаваны 4 траўня 1904 году. Першае імя клюбу — «Вэстфалія Шальке». Першымі клюбнымі колерамі былі чырвоны й жоўты. Заходненямецкі гульнявы зьвяз (WSV) прызнаць новы клюб адмовіўся, але да канца году ў клюбе ўжо налічвалася 16 чальцоў. 13 лютага 1912 году адбыўлася зьліцьцё «Вэстфаліі Шальке» й гімнастычнага таварыства «1877 Шальке». Грамадзтва ўжо зьяўлялася на той час чальцом WSV і «Вэстфалія» ўвайшла ў «1877 Шальке» на правах футбольнай сэкцыі. Загадчыкам сэкцыяй стаў Гергард Клёп. Галоўныя заўзятары «Шальке-04» таго часу галоўным чынам — шахтары. Шахта «Кансоль» дапамагла абсталяваць пляцоўку на Грэнцштрасэ. Менавіта адсюль і першая мянушка клюбу — «гарнякі» (ням. «Die Knappen»). 20 траўня 1923 году «Шальке-04» перамог ў групавым турніры раённай лігі. 5 студзеня 1924 году футбалісты выйшлі з гімнастычнага грамадзтва й абралі клюбу новае імя «FC Schalke 04». Новымі клюбнымі колерамі сталі белы й сіні, таму ў клюбу зьяўвілася яшчэ адна мянушка — «кобальтавыя» (ням. «Die Königsblauen»). На працягу наступных гадоў «Шальке-04» стаў дамінуючым клюбам у Паўночным Райне — Вэстфаліі. Клюб гуляў у хуткі футбол з мноствам кароткіх пасоў. Гэтая сыстэма атрымала велізарную папулярнасьць і назву «ваўчок Шальке» (ням. «Schalker Kreisel»). У 1928 годзе «Шальке-04» атрымаў новы стадыён «Глюкаўф-Кампфбан». У тым жа годзе «Шальке-04» быў перайменаваны ў «FC Gelsenkirchen-Schalke 04». У 1929 годзе клюб упершыню перамог у чэмпіянаце Заходняй Нямеччыны.

У 1933 годзе «Шальке-04» выступаў у Гаўлізе Вэстфалія. Пэрыяд з 1934 па 1942 гады быў самым пасьпяховым у гісторыі клюбу. Клюб 10 разоў выходзіў у фінал Гаўлігі й 8 раз у фінал Кубка Нямеччыны. Першы нацыянальны тытул «Шальке-04» выйграў у 1934 годзе, абыграўшы «Нюрнбэрг». На наступны год яны абаранілі тытул. Клюб прапусьціў фінал 1936 году, аднак у 1937, 1939, 1940 і 1942 гадох клюб перамагаў у фіналах. «Кобальтавыя» таксама ўдзельнічалі ў фіналах Кубка Нямеччыны, але не карысталіся такім посьпехам. Усяго аднойчы, у 1937 годзе, клюб перамог у кубку. Таксама «Шальке» ўдзельнічаў у фіналах кубку ў 1935, 1936, 1941 і 1942 гадох.

Дасягненьні

Чэмпіён Нямеччыны (7) — 1934, 1935, 1937, 1939, 1940, 1942, 1958
Уладальнік Кубка Нямеччыны (5) — 1938, 1972, 2001, 2002, 2011
Уладальнік Супэркубка Нямеччыны — 2011
Уладальнік Кубка УЭФА — 1997
Уладальнік Кубка Інтэртота — 2003, 2004

Склад

Па стане на 16 студзеня 2015 году

№	Пазыцыя	Імя	Год нараджэньня
Брамнікі
1	Бр	Ральф Фэрман	1988
28	Бр	Крыстыян Вэтклё	1980
34	Бр	Фабіян Гіфэр	1990
40	Бр	Тымон Вэленройтэр	1995
Абаронцы
2	Аб	Марвін Фрыдрых	1995
3	Аб	Ян Кірхгоф (ар. Баварыя)	1990
4	Аб	Бэнэдыкт Гёвэдэс (капітан)	1988
6	Аб	Сэяд Каляшынац	1993
15	Аб	Дэніс Аога	1987
22	Аб	Ацута Уціда	1988
23	Аб	Крыстыян Фухс	1986
24	Аб	Каан Айхан	1994
31	Аб	Матыя Настасіч (ар. Ман Сіці)	1993
32	Аб	Жаэль Матып	1991

№	Пазыцыя	Імя	Год нараджэньня
Паўабаронцы
7	ПА	Макс Маер	1995
8	ПА	Леан Гарэцка	1995
9	Нап	Кевін-Прынс Баатэнг	1987
10	ПА	Юліян Драксьлер	1993
12	ПА	Марка Гёгер	1989
17	ПА	Джэфэрсан Фарфан	1984
18	ПА	Сыдні Сам	1988
19	ПА	Лерой Занэ	1996
20	ПА	Чынэду Абасі	1986
27	ПА	Транквільлё Барнэта	1985
33	ПА	Роман Нойштэтэр	1988
35	ПА	Марсэль Собатка	—
Нападнікі
13	Нап	Эрык Шупо-Матынг	1989
25	Нап	Кляас-Ян Гюнтэляар	1983