Ордэн Чырвонага Сьцяга

Ордэн Чырвонага Сьцяга
Арыгінальная назва	па-расейску: Орден Красного Знамени
Краіна	СССР
Тып	ордэн
Падставы ўзнагароджаньня	За асаблівую адвагу, самаадданасьць і мужнасьць, праяўленыя пры абароне сацыялістычнай Айчыны
Статус	не ўручаецца
Статыстыка
Дата заснаваньня	16 верасня 1918
Першае ўзнагароджаньне	30 верасня 1918
Апошняе ўзнагароджаньне	1991
Колькасьць	581 300
Чарговасьць
Старэйшая ўзнагарода	Ордэн Кастрычніцкай Рэвалюцыі
Малодшая ўзнагарода	Ордэн Суворава I ступені

Ордэн Чырвонага Сьцяга (ордэн «Чырвоны сьцяг») — адзін з вышэйшых ордэнаў СССР. Першы з усіх савецкіх ордэнаў. Быў заснаваны для ўзнагароды за асаблівую адвагу, самаадданасьць і мужнасьць, праяўленыя пры абароне сацыялістычнай Айчыны. Ордэнам Чырвонага Сьцяга таксама узнагароджваліся вайсковыя часткі, ваенныя караблі, дзяржаўныя і грамадзкія арганізацыі. Да заснаваньня ордэна Леніна ў 1930 годзе, Ордэн Чырвонага Сьцяга быў вышэйшым ордэнам Савецкага саюза.

Гісторыя

За аснову ордэна быў прыняты знак ордэна «Чырвоны Сьцяг» РСФСР, заснаваны 16 верасьня 1918 года падчас Грамадзянскай вайны дэкрэтам УЦВК. Першапачаткова ордэн меў назву «Чырвоны Сьцяг». Падчас Грамадзянскай вайны аналягічныя ордэны былі заснаваны ў іншых савецкіх рэспубліках.

1 жніўня 1924 года быў заснаваны агульнасаюзны ордэн «Чырвоны Сьцяг», які адрозьніваўся надпісам «СССР» замест «РСФСР» на стужцы на ніжняй частцы ляўровага вянка. Усе ордэны савецкіх рэспублік, якімі узнагароджвалі ў 1918—1924 гадах былі прыроўненыя да агульнасаюзнага ордэну. Статут ордэна быў зацьверджаны Пастановай Прэзыдыюму ЦВК СССР ад 11 студзеня 1932 году (19 чэрвеня 1943 году і 16 сьнежня 1947 году ў гэтую пастанову указамі Прэзыдыюму Вярхоўнага Савета СССР ўносіліся зьмены і дапаўненьні).

Апошняя рэдакцыя статута ордэна была зацьверджана Указам Прэзыдыюму Вярхоўнага Савета СССР ад 28 сакавіка 1980 году.

Узнагароды

Ордэнам Чырвонага Сьцяга былі ўзнагароджаны ВЛКСМ, газета «Красная звезда», Двойчы Чырвонасьцяжны Балтыйскі флёт, Ваенная акадэмія паветрана-касьмічнай абароны імя Маршала Савецкага Саюза Г. К. Жукава, Ваенна-паветраная інжынэрная акадэмія імя прафэсара М. Я. Жукоўскага, Ваенная акадэмія хімічнай абароны імя Маршала Савецкага Саюза С. К. Цімашэнка, Санкт-Пецярбургскае вышэйшае агульнавайсковае каманднае вучылішча ім. С. М. Кірава (двойчы), Кіеўскае вышэйшае агульнавайсковае каманднае вучылішча ім. М. В. Фрунзе (двойчы), Разанскае вышэйшае паветрана-дэсантнае каманднае вучылішча (двойчы), Ваенны інстытут Міністэрства абароны (Ваенны унівэрсытэт), Балтыйскі дзяржаўны тэхнічны унівэрсытэт «Ваенмех», маскоўская міліцыя, гарады Ленінград (Петраград), Капейск, Грозны, Ташкент, Валгаград (Царыцын), Луганск, Севастопаль.

• 
  Ордэн Чырвонага сьцяга РСФСР, 1918 год
• Ордэн Чырвонага сьцяга Азэрбайджанскай ССР,1921 год
  Ордэн Чырвонага сьцяга Азэрбайджанскай ССР,1921 год
• 
  Ордэн Чырвонага сьцяга Армянскай ССР
• 
  Ордэн Чырвонага сьцяга Грузінскай ССР, 1923 год
• Ордэн Чырвонага сьцяга Харэзмскай НСР
  Ордэн Чырвонага сьцяга Харэзмскай НСР

• Ордэн на марках СССР
• 
  Паштовая марка СССР,
  1933 год
• 
  Паштовая марка СССР,
  1946 год
• 
  Паштовая марка СССР,
  1952 год

Вонкавыя спасылкі

Ордэн Чырвонага Сьцяга — сховішча мультымэдыйных матэрыялаў