Яцэк Качмарскі

Яцэк Качмарскі
Яцэк Марцін Качмарскі
Яцэк Качмарскі ў 1992 годзе
Дата нараджэньня	22 сакавіка 1957
Месца нараджэньня	Варшава, Польшча
Дата сьмерці	10 красавіка 2004
Месца сьмерці	Гданьск, Польшча
Прычына сьмерці	рак гартані[d]
Месца пахаваньня	Вайсковыя могілкі на Павонзках[d]
Месца вучобы	факультэт паляністыкі Варшаўскага ўнівэрсытэту[d] (1980)
Прафэсія	паэт, празаік, сьпявак, бард, музыка
Навуковая сфэра	паэзія, пратэставая песьня[d], словы[d], guitar performance[d], філялёгія і проза
Месца працы	Радыё Свабода
Жанры	аўтарская песьня[d]
Інструмэнты	гітара
Бацька	Janusz Kaczmarski[d]
Маці	Anna Trojanowska-Kaczmarska[d]
Дзеці	Патрыцыя Вольны[d]
Узнагароды	Крыж камандорскі ордэна Адраджэньня Польшчы Крыж кавалерскі ордэна Адраджэньня Польшчы
Сайт	kaczmarski.art.pl (пол.)
Подпіс
Яцэк Качмарскі ў Вікісховішчы

Яцэк Марцін Качмарскі (па-польску: Jacek Kaczmarski; 22 сакавіка 1957, Варшава — 10 красавіка 2004, Гданьск) — культавы польскі бард часоў Салідарнасьці.

Біяграфія

Дэбютаваў, як выканаўца ў 1970-х, тройчы атрымліваў Гран-пры Студэнцкага фэстывалю песьні ў Кракаве. Шырокую вядомасьць набыў пры канцы 70-х зь песьнямі пратэсту супраць камуністычнага панаваньня ў Польшчы. Самыя вядомыя песьні «Nasza klasa», «Mury», «Obława», «Poczekalnia» (саўндтрэк да стужкі «Палац» Кшыштафа Кісьлеўскага). Яго песьні сталі гімнамі антыкамуністычнай апазыцыі, а сам Качмарскі лічыўся голасам руху «Салідарнасьць».

У 1981 годзе вымушана эміграваў. Працаваў у польскай рэдакцыі Радыё Свабодная Эўропа, канцэртаваў па ўсім сьвеце і запісваў альбомы, якія неаднаразова набывалі залаты статус. Вярнуўся ў краіну пасьля падзеньня камуністычнага рэжыму ў 1990 годзе.

Працягваў пісаць песьні, канцэртаваць і выдаваць зборнікі паэзіі і прозы. Быў прызнаны заслужаным дзеячом культуры Польшчы, атрымаў Кавалерскі Крыж ордэна Адраджэньня Польшчы з рук прэзыдэнта краіны Аляксандра Квасьнеўскага, узнагароджаны прэміяй «Фрэдэрык».

У 2004 годзе захварэў на рак гартані, страціў голас. Памёр 10 красавіка 2004 году ў шпіталі ў Гданьску. У 2006 годзе прэзыдэнтам Лехам Качынскім пасьмяротна адзначаны Камандорскім Крыжом ордэна Адраджэньня Польшчы — адной з найвышэйшых польскіх дзяржаўных узнагародаў.

Творчасьць

• 1979 — Mury (Сьцены)
• 1980 — Raj (Рай)
• 1981 — Muzeum (Музэй)
• 1981 — Krzyk (Крык)
• 1982 — Strącanie aniołów (Ападкі анёлаў) — плыт выдадзены на эміграцыі (Швэцыя)
• 1982 — Carmagnole — плыт выдадзены на эміграцыі (Нямеччына)
• 1983 — Chicago — Live — плыт выдадзены на эміграцыі (ЗША)
• 1986 — Litania (Літанія) — плыт выдадзены на эміграцыі (Аўстралія)
• 1987 — Kosmopolak (Касмапаляк)
• 1989 — Dzieci Hioba (Дзеці Ёва)
• 1990 — Głupi Jasio (Дурны Джоні)
• 1990 — Live '90 — першы канцэрт па вяртаньні на Радзіму
• 1991 — Mury w Muzeum Raju (Сьцены ў Музэі Рая)
• 1992 — Bankiet (Банкет)
• 1992 — Wojna postu z karnawałem (Вайна паста і карнавала)
• 1993 — Sarmatia (Сарматыя)
• 1993 — Szukamy stajenki (Мы шукаем стабільны)
• 1995 — Pochwała łotrostwa (Хвала зладзейства)
• 1997 — Między nami (Паміж намі)
• 1997 — Koncert '97 (Канцэрт '97) — два канцэртныя плыты
• 1999 — Dwie Skały (Дзьве скалы)
• 2000 — Dwadzieścia (5) lat później (Праз дваццаць (5) гадоў) — плыт на 20-годзьдзе «Салідарнасьці» і 25-годзьдзя публічнай дзейнасьці Яцэка Качмаркага
• 2001 — Mimochodem (Дарэчы)
• 2003 — Złota kolekcja: Źródło (Залатая калекцыя: Крыніца) — кампіляцыя
• 2003 — Złota kolekcja: Pokolenie (Залатая калекцыя: Пакаленьне) — кампіляцыя
• 2004 — Syn marnotrawny (Блудный сын) — збор 22 плытоў у лічбавай вэрсыі
• 2005 — Świadectwo (Паказаньні)
• 2006 — Suplement (Дадатак) — збор 7 плытоў з раней не выдаванымі песьнямі
• 2007 — Mała Arka Noego (Ноеў каўчэг)- збор з 8 раней не выдаваных плытоў
• 2007, 22 marca — Arka Noego (Маленькі) — збор з 37 плытоў (Syn marnotrawny, Suplement і Mała Arka Noego)
• 2008 — Trasa Koncertowa ’97 (Гастролі ’97) ч. I і II — адноўлены плыт «Koncert ’97»
• 2008 — Scena to dziwna — збор з 5 DVD плытоў зь відэазапісамі з 1980—2001

Вонкавыя спасылкі

• Песьні Качмарскага загучаць па-беларуску
• Наш клас у перакладзе Андрэя Хадановіча