Ян Мікалай Хадкевіч

Ян Мікалай Хадкевіч

Я. М. Хадкевіч. Са збору Сангушкаў у Гумнішках, каля 1780
Герб «Касьцеша»
Асабістыя зьвесткі
Нарадзіўся	14 сьнежня 1738 Гданьск, Паморскае ваяводзтва, Велікапольская правінцыя[d], Карона Каралеўства Польскага, Рэч Паспалітая
Памёр	2 лютага 1781 Чарнобыль, Кіеўскі павет[d], Кіеўскае ваяводзтва, Малапольская правінцыя[d], Карона Каралеўства Польскага, Рэч Паспалітая
Пахаваны	Супрасьлеўскі манастыр
Род	Хадкевічы
Бацькі	Адам Тадэвуш Хадкевіч[d] Разалія Ева з Чапскіх[d]
Дзеці	Rozalia Lubomirska[d], Альжбета з Хадкевічаў[d] і Аляксандр Мікалаевіч Хадкевіч[d]
Дзейнасьць	вайсковец

Ян Мікалай Хадкевіч (14 сьнежня 1738 — 2 лютага 1781) — дзяржаўны і вайсковы дзяяч Вялікага Княства Літоўскага. Генэрал-ад’ютант (з 1764), адначасна староста генэральны жамойцкі.

Біяграфія

З магнацкага роду Хадкевічаў гербу «Касьцеша», сын Адама Тадэвуша, ваяводы берасьцейскага і Эвы з Чапскіх (памерла ў 1769 року). Успадкаваў ад бацькі тытул графа на Шклове і Мышы.

Скончыў Віленскі ўнівэрсытэт (1757). Пэўны час жыў у вёсцы Турэц на Наваградчыне.

У 1764 абіраўся паслом на канвакацыйны сойм. Падтрымаў абраньне Станіслава Аўгуста Панятоўскага. Атрымаў ад караля і вялікага князя шэраг пасадаў і званьняў.

У часе Барскай канфэдэрацыі заняў неадназначную пазыцыю. Афіцыйна шкадаваў пра стан краіны, што аднак не перашкаджала яму падтрымліваць камандзіраў расейскага і прускага войскаў, якія баранілі ягоную ўласнасьць. У 1778 атрымаў званьне генэрал-лейтэнанта арміі Расейскай імпэрыі.

Пабраўся шлюбам з Марыяй Людвікай Ржавускай (1766), зь якой меў сыноў Вацлава, Юзэфа, Ксавэрыя (усе памерлі ў дзяцінстве) і Аляксандра Францішка, а таксама 3 дачок.

Памёр 2 лютага 1781 у Чарнобылі, пахавалі Я. М. Хадкевіча ў Супрасьльскім манастыры.

Вонкавыя спасылкі

• Jan Mikołaj Chodkiewicz (пол.). Genealogia dynastyczna. Праверана 18 студзеня 2011 г.