Аляксандар Дзядзюшка

Вікіпэдыя мае артыкулы пра іншых асобаў з прозьвішчам Дзядзюшка.

Аляксандар Дзядзюшка
Дата нараджэньня	20 траўня 1962
Месца нараджэньня	Ваўкавыск, БССР
Дата сьмерці	3 лістапада 2007
Месца сьмерці	Уладзімерская вобласьць, Расея
Прычына сьмерці	дарожна-транспартнае здарэньне
Месца пахаваньня	Траякураўскія могілкі[d]
Грамадзянства	Расея
Месца вучобы	Ніжагародзкая тэатральная вучэльня[d]
Занятак	актор
Гады дзейнасьці	1987—2007
Узнагароды
IMDb	ID nm1747486
Сайт	adedushko.ru

Алякса́ндар Ві́ктаравіч Дзядзю́шка (20 траўня 1962, Ваўкавыск, БССР — 3 лістапада 2007, Уладзімерская вобласьць) — беларускі і расейскі актор тэатра і кіно.

Біяграфія

Аляксандар Дзядзюшка нарадзіўся 20 траўня 1962 году ў горадзе Ваўкавыск Гарадзенскай вобласьці.

У школьныя гады захапляўся мастацкай самадзейнасьцю: займаўся ў танцавальных ансамблях, гуляў у «капусьніках», добра чытаў вершы. Але паступіць у інстытут адразу пасьля школы не атрымалася: год працаваў аўтасьлесарам. Затым тры гады служыў на Балтыйскім флёце (на кабэлеўкладчыку «Данецк»). Пасьля службы год працаваў цэхавым фізоргам на заводзе ЗІЛ. У наступным годзе паступіў у Горкаўскаю тэатральную вучэльню, якую скончыў праз 3,5 гады. Паўгады працаваў у тэатры Менску, затым шэсьць сэзонаў ва Ўладзімерскім драматычным тэатры (больш паловы роляў — галоўныя).

Першая эпізадычная роля ў кіно — начальнік патруля ў вайсковай камэдыі «ДМБ». Першая сур’ёзная роля — у «Дырэкторыі сьмерці» (1999). У 2003 годзе зорнай гадзінай Аляксандра Дзядзюшкі стала роля ў сэрыяле Ігара Талпы «Апэратыўны псэўданім». У далейшым здымаўся ў асноўным у вострасюжэтных тэлесэрыялах.

Загінуў 3 лістапада 2007 году ў аўтакатастрофе разам зь сям’ёй (жонкай і сынам). Аляксандар Дзядзюшка на сваім аўтамабілі перасёк дзьве суцэльныя лініі і выехаў на сустрэчную паласу, дзе на крайняй левай паласе сустрэчнага руху сутыкнуўся з грузавіком Scania. Кіроўца грузавіка застаўся ў жывых.

Аляксандар Дзядзюшка быў пахаваны на Траекураўскіх могілках у Маскве разам з жонкай Сьвятланай Чарнышковай і сынам Зьміцерам Дзядзюшкам.

Фільмаграфія

• 1997 — Злодзей
• 1999 — тэлесэрыял Дасье дэтэктыва Дуброўскага «Кошт галавы»
• 1999 — тэлесэрыял Дырэкторыя сьмерці «Ход фэрзем»
• 1999 — Сямейныя таямніцы
• 2000 — ДМБ
• 2000-2004 — тэлесэрыял «Марш Турэцкага» «Небясьпечна для жыцьця», прымаў удзел ва ўсіх сэзонах
• 2003 — Чорны мяч
• 2001 — Лялька
• 2003 — тэлесэрыял Дружная сямейка
• 2003 — Таямніца блакітнай даліны
• 2003 — тэлесэрыял Апэратыўны псэўданім
• 2003 — тэлесэрыял Спэцпрызн
• 2004 — тэлесэрыял Сармат
• 2005 — Каманда чэмпіёнаў
• 2005 — Хлопцы са сталі
• 2005 — Замах (сэрыял?)
• 2005 — тэлесэрыял Апэратыўны псэўданім-2
• 2005 — Расейскі бізнэс 21 стагодзьдзя
• 2006 — Афіцэры
• 2006 — Псэўданім «Альбанец»
• 2007 — Я шпік
• 2007 — Вячэрняя казка
• 2007 — Калі ты мяне чуеш
• 2008 — Псэўданім «Альбанец»-2
• 2009 — Тарас Бульба

Прэміі і ўзнагароды

• Прэмія ФСБ за 2007 год у намінацыі «Акторская праца» (пасьмяротна) за Фільмы "Псэўданім «Альбанец»", «Сармат», «Апэратыўны псэўданім».

Вонкавыя спасылкі

• Афіцыйны сайт актора Аляксандра Дзядзюшкі
• Старонка прысвечаная Аляксандру на форуме Ваўкавыску