Сампдорыя Генуя

Сампдорыя
Поўная назва	Unione Calcio Sampdoria, SpA
Заснаваны	1 жніўня 1946
Горад	Генуя, Італія
Стадыён	Люіджы Фэрарыс Умяшчальнасьць: 36 536
Прэзыдэнт	Марка Лана[d]
Галоўны трэнэр	Сініша Міхайлавіч
Чэмпіянат	Сэрыя A
· 2012—2013	16 месца
Галерэя здымкаў у Вікісховішчы Афіцыйны сайт

Сампдорыя (па-італьянску: Sampdoria) — італьянскі футбольны клюб з гораду Генуя. Клюб быў створаны ў 1946 годзе ў выніку зьліцьця двух існуючых спартовых клюбаў, карані якога можна прасачыць да 1890-х гадоў, «Самп’ердарэнэзэ» й «Андрэа Дорыя». Сампдорыя ў цяперашні момант гуляе ў Сэрыі А.

І назва каманды й колеры кашуляў адлюстроўваюць адпаведныя прыкметы абодвух клюбаў, як то сплчэньне назваў і сіне-белыя й чырвона-чорныя колеры абодвух з былых клюбаў. Свае хатнія гульні «Сампдорыя» праводзіць на стадыёне «Люіджы Фэрарыс», які здольны зьмясьціць 36 536 аматараў футболу. Гэтую пляцоўку клюб падзяляе з яшчэ адным прадстаўніком гораду клюбам «Джэноа». Дэрбі паміж двума клюбамі шырока вядома як Дэрбі дэльля Лянтэрна.

«Сампдорыя» атрымоўвала скудэта толькі адзін раз у сваёй гісторыі, у сэзоне 1990—1991 гадоў. Клюб таксама чатыры разы станавіўся пераможцам Кубка Італіі (1985, 1988, 1989 і 1994) і адзін раз перамагаў у розыгрышу Супэркубка Італіі. Іхны самы вялікі эўрапейскі посьпех прыйшоў, калі яны атрымалі перамогу ў Кубку ўладальнікаў кубкаў у 1990 годзе. Яны таксама дасягнулі фіналу Кубак эўрапейскіх чэмпіёнаў ў 1992 годзе, дзе саступілі гішпанскай «Барсэлёне» зь лікам 1:0 пасьля дадатковага часу.

Гісторыя

Раньнія гады

Гімнастычны клюб «Самп’ердарэнэзэ» быў заснаваны ў 1891 годзе, адкрыўшы сваю ​​футбольную сэкцыю толькі ў 1899 годзе. Таксама ў гэты час клюб імя «Таварыства Андрэа Дорыя» быў заснаваны ў 1895 годзе, ён амаль адразу засяродзіў сваю ўвагу на футболе.

Клюб «Андрэа Дорыя» не ўдзельнічаў у першых чэмпіянатах Італіі па футболе, якія былі арганізаваныя італьянскай фэдэрацыі футболу, замест гэтага яны гулялі ў спаборніцтва, якія былі арганізаваныя італьянскай гімнастычнай фэдэрацыяй. Клюб у рэшце рэшт усё ж такі ўступіў у розыгрыш футбольнага чэмпіянату ў 1903 годзе, аднак гульцы не маглі перамагчы ў ніводнай гульне да 1907 году, калі яны нанесьлі паразу сваім мясцовым канкурэнтам клюбу «Джэноа» зь лікам 3:1.

Клюб не паказваў значных посьпехаў, толькі ў сэзоне 1910—1911 гадоў ён аказаўся вышэй па турнірнай табліцы за такія клюбы, як то «Ювэнтус», «Інтэрнацыянале» й «Джэноа» ў розыгрышу свайго рэгіёну.

Пасьля Першай сусьветнай вайны, «Самп’ердарэнэзэ», нарэшце, пачалі выступаць у розыгрышы італьянскага чэмпіянату, пасьля таго як яны выкупілі правінцыйны даваенны клюб «Про Лігурыя». Такім чынам, «Самп’ердарэнэзэ» й «Андрэа Дорыя» сустрэліся ў чэмпіянаце ў першы раз, «дарыянцы» атрымалі перамогу й згулялі ўнічыю (4-1 і 1-1), а таксама занялі другое месца пасьля «Джэноа» ў розыгрышу чэмпіянату ў Лігурыйскай зоне, атрымаўшы, такім чынам, права ўдзелу ў нацыянальным раўндзе.

Склад

Па стане на 1 лютага 2014 году

№ Пазыцыя Імя Год нараджэньня 1 Бр Жуніёр Коста 1983 3 Аб Андрэа Коста 1986 4 Аб Барташ Салямон (ар. «Мілян») 1991 5 ПА Рэнан Гарсія 1986 6 Аб Матыяс Радрыгес 1986 7 Нап Максі Лёпэс (ар. «Катанія») 1984 8 Аб Шкодран Мустафі 1992 9 Нап Стэфана Акака 1989 10 ПА Ненад Крсьцічыч 1990 11 Нап Манолё Габыядыні 1991 12 Нап Джанлюка Санзонэ 1987 13 Аб Гаэтана Бэрардзі 1988

№ Пазыцыя Імя Год нараджэньня 14 ПА Пэдра Абіянг 1992 15 ПА Павал Вшолэк 1992 17 ПА Анджэлё Палёмба (капітан) 1981 19 Аб Васка Рэджыні 1990 21 ПА Рабэрта Сарыяна 1991 22 ПА Біркір Б’ярнасан 1988 23 Нап Эдэр 1986 28 Аб Даніеле Гастальдэльлё 1983 29 Аб Лярэнца Дэ Сыльвэстры (ар. «Фіярэнтына») 1988 30 Бр Вінчэнца Фіёрыльлё 1990 44 Аб Мікеле Фарнасьер 1993 77 ПА Алесіё Сэсту (ар. «К’ева») 1983

Вонкавыя спасылкі

• Афіцыйны сайт