Вільярэал (футбольны клюб)

Вільлярэал
Файл:Villarreal CF logo.png
Поўная назва	Villarreal Club de Fútbol, S.A.D.
Заснаваны	10 сакавіка 1923
Горад	Вільлярэал, Гішпанія
Стадыён	Эль-Мадрыгаль Умяшчальнасьць: 25 000
Прэзыдэнт	Фэрнанда Раіг Альфонса
Кіраўнік	Фэрнанда Роч Альфонса[d]
Галоўны трэнэр	Марсэліна Гарсія Тораль
Чэмпіянат	Ля Ліга
· 2012—2013	Сэгунда, 2 месца (павышэньне)
Хатнія колеры Выязныя колеры
Галерэя здымкаў у Вікісховішчы Афіцыйны сайт

Вільлярэал (па-гішпанску: Villarreal Club de Fútbol, S.A.D.) — гішпанскі футбольны клюб, што базуецца ў маленькім мястэчку Вільлярэал у правінцыі Кастэльлён у складзе Валенсійскай аўтаномніі. Каманда гуляе на стадыёне «Эль-Мадрыгаль», што месьціць 25 тысяч чалавек. Клюб быў заснаваны ў 1923 годзе яшчэ да грамадзянскай вайны й да сэзону 1955—1956 гадоў гуляў у рэгіянальных лігах. Клюб шмат часу правёў у Тарсэры, Сэгундзе Б і Сэгундзе (трэці, другі й першы нацыянальныя дывызіёны) пакуль у 1998 годзе не дэбютаваў у Ля Лізе. Гэта падзея адбылася 31 жніўня, калі «падводнікі» ў гасьцёх гулялі супраць мадрыдзкага «Рэалу».

У чэмпіянаце краіны клюб заваяваў срэбраны мэдаль (2008) і бронзавы (2005). Найвышэйшым дасягненьнем у Кубку Гішпаніі для «Вільлярэалу» пакуль зьяўляецца тройчае пападаньне ў чвэрцьфінал (1993, 2002 і 2008). Доўгі час асноўным супернікам «Вільлярэалу» быў клюб «Кастэльлён», бо абодва месьцяцца ў адной правінцыі. Але на сёньняшні момант галоўным супраціўнікам зьяўляецца «Валенсія». Супрацьборствы паміж гэтымі клюбамі атрымалі назоў Валенсійскае лякальнае дэрбі.

Гісторыя

Клюб быў заснаваны 10 сакавіка 1923 году. Першым прэзыдэнтам клюба стаў Хасэ Кальдуш Альмэля. Першапачаткова колерамі клюбу былі чорны й белы, то бок белыя кашулі й чорныя шорты, а ў 1946 годзе было прынята рашэньне зьміняць іх на жоўты й сіні, якія застаюцца й на сёньняшні дзень. Стадыён Эль-Мадрыгаль быў уведзены ў дзеяньне 17 чэрвеня 1923 году, а першы матч каманда згуляла на ім 21 кастрычніка.

Клюб гуляў у рэгіянальных дывізіёнах да сэзону 1955—1956 гадоў, калі забясьпечыў сабе выхад у трэці нацыянальны дывізіён, у якім гуляў да сэзону 1961—1962 гадоў, калі 14 пазыцыя прывяла да паніжэньня ў клясе й вяртаньню ў першы рэгіянальны дывізіён. Аднак там «Вільлярэал» затрымаўся ненадоўга й, заняўшы ў сэзоне 1966—1967 гадоў першае месца, забясьпечыў пераход у трэці нацыянальны дывізіён. З трэцяй спробы клюб забясьпечыў павышэньне ў клясе з першага месца, аднак затрымаўся ў другім нацыянальным дывізіёне толькі на два гады, заняўшы 17 месца ў сэзоне 1971—1972 гадоў. Пасьля чатырох ня вельмі ўдалых сэзонаў у трэцім нацыянальным дывізіёне клюб у апошні раз вярнуўся ў першы рэгіянальны дывізіён, затрымаўшыся там толькі на сэзон 1976—1977 гадоў, паводле выніках якога з першага месца зноўку трымаў павышэньне ў Тэрсэру. У сэзоне 1986—1987 гадоў «падводнікі» зарабілі павышэньне ў клясе й з 1987 па 1990 гады правялі ў Сэгундзе Б, адкуль панізілізя клясам ніжэй. Сэзон 1990—1991 гадоў стаў апошнім у трэцім нацыянальным дывізіёне, бо паводле ягоных вынікаў, заняўшы 2 месца, клюб перайшоў у Сэгунду Б, адкуль транзытам з 2 ж месца ў сэзоне 1991—1992 гадоў патрапіў у Сэгунду. На працягу пяці сэзонаў клюб займаў месца ніжэй сярэдзіны турнірнай табліцы лігі.

У сэзоне 1997—1998 гадоў «падводнікі» занялі 4 месца, што дазволіла праз сыстэму плэй-оф зарабіць упершыню за 65 гадоў гісторыі клюбу пуцёўку ў элітны гішпанскі дывізіён. Першы матч у Ля Лізе клюб правёў 31 жніўня 1998 году на стадыёне «Сант’яга Бэрнабэў», дзе «Вільлярэал» саступіў мадрыдзкаму «Рэалу» зь лікам 4:1. У дэбютным сэзоне за «Вільлярэал» выступалі такія гульцы, як то Давід Альбэльда, Андрэс Палёп, Хесус Гарсія Санхуан, Жэрарда Гарсія. Нягледзячы на ​​ўдалую першую палову сэзону, у выніку «Вільлярэал» заняў 18 радк у табліцы, вярнуўшыся ў Сэгунду. Сэзон 1999—2000 гадоў клюб завяршыў на 3 пазыцыі, вярнуўшы сабе права выступаць у вышэйшым дывізіёне. За адзінаццаць наступных сэзонаў клюб займаў месцы з 15 па 2 і браў удзел у эўрапейскіх клюбных спаборніцтвах.

Паводле вынікаў сэзону 2011—2012 гадоў клюб пакінуў вышэйшы дывізіён чэмпіянату Гішпаніі, скончыўшы сэзон на 18 месцы. Аднак на наступны сэзон «Вільлярэал» зноўку забясьпечыў сабе права выступу ў Ля Лізе.

Асноўны склад

Па стане на 31 студзеня 2014 году

№ Пазыцыя Імя Год нараджэньня 1 Бр Сэрхіё Асэньнё (ар. «Атлетыка») 1989 2 Аб Марыё Гаспар 1990 3 Аб Боян Ёкіч 1986 4 ПА Томас Піна 1987 5 Аб Матэо Мусак’ё 1990 6 Аб Аляксандар Панціч 1992 7 Нап Жэрэмі Пэрбэ 1984 8 Нап Ікечукву Учэ 1984 9 ПА Джавані дос Сантас 1989 10 ПА Кані 1981 12 ПА Хаан Анхель (ар. «Барсэлёна Б») 1993

№ Пазыцыя Імя Год нараджэньня 14 ПА Ману Трыгерас 1991 16 Аб Хасэ Дарада 1982 17 ПА Хавіер Акіна 1990 18 Аб Хаўмэ Коста 1988 19 ПА Олівэр Торэс (ар. «Атлетыка») 1994 20 Аб Габрыел Паўліста 1990 21 ПА Бруна Сарыяна (капітан) 1984 24 Нап Хонатан Пэрэйра 1987 25 Бр Хуан Карляс 1987 27 ПА Моі Гомэс 1994 29 Аб Паблё Іньнігес 1994

Вонкавыя спасылкі

Вільярэал (футбольны клюб) — сховішча мультымэдыйных матэрыялаў

• Афіцыйны сайт (гішп.) (анг.)