Анжы Махачкала

Анжы
Поўная назва	Футбольный клуб «Анжи»
Заснаваны	1991
Горад	Махачкала, Расея
Стадыён	Дынама Умяшчальнасьць: 15 200
Прэзыдэнт	Сулейман Керымаў[d]
Кіраўнік	Сулейман Керымаў[d]
Галоўны трэнэр	Гуўс Гідынк
Чэмпіянат	Расейская Прэм’ер-ліга
· 2012—2013	3 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

Анжы (па-расейску: Анжи) — расейскі футбольны клюб з гораду Махачкала. Заснаваны ў 1991 годзе. Фіналіст Кубка Расеі 2001 году. Назва клюбу ёсьць старажытная назва гораду. Хатнія матчы «Анжы» праводзіць у Махачкале на стадыёне «Дынама».

Гісторыя

Стварэньне й станаўленьне клюба

Футбольны клюб «Анжы» быў утвораны ў 1991 годзе дырэктарам аб’яднаньня «Дагнафтапрадукт» Магамедсултанам Магамедавым й дырэктарам футбольнай школы Махачкалы Аляксандрам Маркаравым. Слова «Анжы» (на кумыкскай мове Анжы азначае «жамчужына») ёсьць старажытная кумыская назва мясьцовасьці, дзе зараз разьмешчаны горад Махачкала.

У першы ж год каманда «Анжы» перамагла чэмпіянат Дагестану й атрымала права ўдзельнічаць у прафэсійнай футбольнай лізе. У першым сэзоне на прафэсійным узроўні, клюб заняў 5-е месца ў сваім дывізіёне, а на наступны год і зусім упэўнена перамог у турніры. Але ў сувязі з рэарганізацыяй ўсяго расейскага першынства, махачкалінцам давялося застацца ў другім дывізіёне. Яшчэ тры сэзоны спатрэбілася «Анжы», каб перайсьці на адзін узровень вышэй, у сыстэме расейскага футбола. Адбылося гэта пад кіраўніцтвам славутага гульца й трэнера, чэмпіёна СССР 1982 году, Эдуарда Малафеева, які пачаў трэніраваць клюб у 1996 годзе, і адразу ж вывеў яго ў першую лігу расейскага першынства.

Годам раней, імя «Анжы» прабразгала на ўсю Расею, калі на стадыі 1/16 Кубка Расеі махачкалінцы сустрэўшыся зь дзеючым чэмпіёнам Расеі «Аланіяй», не стушаваліся й выбілі лідэра з турніру, абыграўшы іх у дадатковы часе зь лікам 2:1. Прайшоўшы яшчэ адзін раўнд, «Анжы» ў 1/4 прайграла маскоўскаму «Дынама» й завяршыла свой удзел у кубку таго сэзону.

Першы дывізіён

Творца посьпехаў «Анжы» Гаджы Гаджыеў

Сэзоны 1996 і 1997 гадоў, сышлі ў каманды на замацаваньне ў дывізіёне, і махачкалінцы завяршалі іх у сярэдзіне табліцы, заняўшы 13 і 12 месцы адпаведна. У 1999 годзе прэзыдэнтам клюба абралі Хізры Шіхсаідава, старшыні ўрада рэспублікі Дагестан. У клюб быў запрошаны вядомы дагестанскі трэнэр Гаджы Гаджыеў, перад якім была пастаўлена задача выхаду ў вышэйшы дывізіён. Гаджыеў цалкам абнавіў склад каманды, паклікаўшы ў яе малавядомых і ўжо сьпісаных гульцоў. І адразу ж, у сэзоне 1999 году, заняўшы першае месца ў першым расейскім дывізіёне, «Анжы» заваявала права на павышэньне ў клясе. Але гэты посьпех быў з прысмакам гаркаты, з-за трагедыі якая здарылася ў сярэдзіне сэзону. 3 ліпеня 1999 года ў аўтамабільнай аварыі ў Махачкале, загінуў лепшы бамбардзір у гісторыі клюба Ібрагім Гасанбекаў. Тую перамогу ў сэзоне гульцы прысьвяцілі яму, а клюб у сваю чаргу навечна замацаваў за гульцом яго 11-ы нумар.

Склад

Па стане на 31 жніўня 2013 году

№ Пазыцыя Імя Год нараджэньня 1 Бр Яўген Памазан 1989 2 Аб Андрэй Ешчанка 1984 3 Аб Алі Гаджыбекаў 1989 4 Аб Бэнуа Ангбва 1982 5 Аб Гія Грыгалава 1989 6 Аб Аляксандар Епурану 1986 7 Аб Каміль Агалараў 1988 8 ПА Жусылей 1988 10 ПА Алан Гагатаў 1991 13 Аб Расім Тагірбекаў 1984 14 Нап Павал Саламацін 1993 16 ПА Карлен Мкртчан 1988 17 ПА Шарыф Мухамад 1990

№ Пазыцыя Імя Год нараджэньня 19 Нап Лясына Траарэ 1990 20 ПА Уладзімер Собалеў 1991 22 Бр Міхаіл Кержакоў 1987 24 Аб Аядэле Адэлэе 1988 25 ПА Адыль Агмэдаў 1987 27 Бр Мэхці Джанэтаў 1991 28 Нап Сэрдэр Сэрдэраў 1994 33 Нап Мэгдзі Карсэля-Гансалес 1989 37 Аб Эвэртан Алмэйда 1989 81 Нап Мікіта Бурмістраў 1989 87 ПА Ільля Максімаў 1987 94 Нап Ісламнур Абдулаваў 1994 Аб Вадзім Дзямідаў 1986

Вонкавыя спасылкі

Анжы Махачкала — сховішча мультымэдыйных матэрыялаў

• Афіцыйны сайт