Дзісенскае масла: розьніца паміж вэрсіямі

Зьвесткі зь Вікіпэдыі — вольнай энцыкляпэдыі
Змесціва выдалена Змесціва дададзена
артаграфія
Addbot (гутаркі | унёсак)
д Bot: Migrating 1 interwiki links, now provided by Wikidata on d:q13030649 (translate me)
Радок 7: Радок 7:


[[Катэгорыя:Харчовыя прадукты]]
[[Катэгорыя:Харчовыя прадукты]]

[[be:Дзісенскае масла]]

Вэрсія ад 22:42, 13 траўня 2013

Дзі́сенскае ма́сла — гатунак сьметанковага масла, які вырабляўся сялянскім арцелямі Дзісенскага павету Віленскай губэрні на пачатку XX стагодзьдзя і пастаўляўся ў буйныя прамысловыя цэнтры Расійскай імпэрыі, а таксама на экспарт.

Арцельнае масларобства ўзьнікла ў Дзісенскім і суседнім Дрысенскім павеце Віцебскай губэрні ў канцы XIX стагодзьдзя ў сувязі з рэзкім падзеньнем попыту на прадукцыю земляробства. Асабліва пасьпяхова разьвіваўся экспарт у Ангельшчыну. У 1905 годзе зь Дзісенскага павету было адпраўлена ў Ангельшчыну масла на 10 тыс. руб., у 1908 — на 175 тыс., і ў 1910 — на 260 тыс. руб. Дзісенскае масла займала адно зь першых месцаў на ангельским рынку і каштавала на 2—4 шылінгі даражэй, чым іншыя гатункі масла з Расейскай імпэрыі. Яно збывалася без пасярэднікаў цераз транспартную кантору «Гергард і Гей» у Лёндан і Лідс. Па прыбыцьці ў Ангельшчыну па пошце высылаўся аванс ад 36 до 45 р. за бочку, рэшта — пасьля поўнай рэалізацыі. На жаль, арцельныя пастаўшчыкі не паспрабавалі зарэгістраваць адмысловай гандлёвай маркі, і дзісенскае масла пастаўлялася пераважна пад маркай «галшцінскага». Пасьля Першай сусьветнай вайны замежны рынак і высокая рэпутацыя дзісенскага масла былі страчаныя назаўжды.

Літаратура

Артыкул створаны з дапамогай матэрыялаў з: Хаім Бейлькін, Алесь Белы, праект «Наша ежа»