Аруба

Аруба Aruba
Сьцяг Герб
Нацыянальны дэвіз: One Happy Island
Дзяржаўны гімн: «Aruba Dushi Tera»
Афіцыйная мова	Нідэрляндзкая, папіямэнта
Сталіца	Араньестад
Найбуйнейшы горад	Араньестад
Форма кіраваньня Кароль Губэрнатар Прэм'ер-міністар	Канстытуцыйная манархія Вільлем Аляксандар Фрэдыс Рэфуньёл Міхель Годфрыд Эман
Плошча  • агульная  • адсотак вады	193 км² нязначны
Насельніцтва  • агульнае (2006)  • шчыльнасьць	195-е месца ў сьвеце 103 484 571/км²
СУП  • агульны (2006)  • на душу насельніцтва	182 месца ў сьвеце $3,079 млрд $23 299
Валюта	Арубскі флорын (AWG)
Часавы пас	AST (UTC-4)
Дамэн верхняга ўзроўню	.aw
Тэлефонны код	+297

Аруба (па-нідэрляндзку і на мове папіямэнта: Aruba) — востраў ў Карыбскім моры ля Вэнэсуэлы. У цяперашні час Аруба — суб'ект фэдэрацыі у складзе Каралеўства Нідэрляндаў, сталіцай якога зьяўляецца горад Араньестад.

Гісторыя

Паходжаньне назвы

Наконт паходжаньня назвы Арубы існуе некалькі гіпотэзаў. Паводле першае, назва Aruba паходзіць ад двух індзейскіх словаў: ora (па-беларуску: ракушка) і oubao (па-беларуску: востраў, выспа), г.зн. "востраў ракушкаў". Паводле іншае гіпотэзы, назва вострава паходзіць ад індзейскага uru (па-беларуску: каноэ) і oubao (па-беларуску: востраў, выспа), гэтае сьведчыць аб тым, што індзейцы ўжывалі каноэ ў часе калянізацыі Арубы.

Існуе таксама іншая вэрсія паходжаньня назвы Арубы, паводле якой назва паходзіць ад гішпанскіх словаў oro hubo (па-беларуску: тут было золата). Гэтая вэрсія зьвязаная з тым, што гішпанскія мараплаўцы шукалі гэты мэтал у карыбскім рэгіёне.

Аруба упершыню згаданая на мапе у 1562 годзе, тады яна была пазначаная як Orua. На іншых мапах XVI—XVII стагодзьдзяў сустракаюцца такія назвы вострава як «Oruba», «Ouraba», «Uruba» й «Arouba».

Геаграфія

Мапа Арубы

Аруба зьяўляецца найзахаднейшым з Малых Антыльскіх астравоў. Востраў знаходзіцца за 29 км ад паўвострава Парагўана у Вэнэсуэле і за 68 км заходней вострава Кюрасао. Плошча Арубы — 193 квадратныя кілямэтры. Уладаньне мяжуе з Нідэрляндзкімі Антыльскімі астравамі на ўсходзе й з Вэнэсуэлай на поўначы. Найвышэйшымі гарамі на востраве зьяўляюцца Яманота й Ойбэрг.

Вонкавыя спасылкі

Аруба — сховішча мультымэдыйных матэрыялаў