Паповагорскі раён

Краснагорскі раён
Красногорский район
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Красная Гара
Дата ўтварэньня	1929
Насельніцтва	16 000
Плошча	1120 км²
Месцазнаходжаньне Краснагорскага раёну
Мэдыя-зьвесткі
Часавы пас	UTC +3
Тэлефонны код	+7 48346
Код аўтам. нумароў	32
Афіцыйны сайт
Дадатковыя мультымэдыйныя матэрыялы

Краснаго́рскі раён — адміністрацыйна-тэрытарыяльная адзінка на захадзе Бранскай вобласьці Расеі. Адміністрацыйны цэнтар — мястэчка Красная Гара.

Геаграфія

Плошча раёну — 1120 км². Раён разьмешчаны на захадзе Бранскай вобласьці.

Мяжуе:

• на поўначы з Касьцюковіцкім і Краснапольскім раёнамі Магілёўскай вобласьці Беларусі;
• на захадзе з Чачэрскім і Веткаўскім раёнамі Гомельскай вобласьці Беларусі;
• на ўсходзе з Гардзееўскім раёнам Бранскай вобласьці;
• на поўдні з Навазыбкаўскім раёнам Бранскай вобласьці.

Асноўныя рэкі — Бесядзь, Віхолка.

Экалёгія

Краснагорскі раён — адзін з найбольш пацярпелых ад аварыі на Чарнобыльскай АЭС і радыёактыўных ападкаў у наступныя дні пасьля катастрофы. Чатыры населеныя пункты раёну — Барсукі, Князяўшчына, Прагрэс і Ніжні Млын былі ўлучаныя ў зону адчужэньня. Шматлікія населеныя пункты раёну былі аднесеныя да зоны адсяленьня і зоне з правам на адсяленьне. Максімальнае разліковае значэньне радыяцыйнага забруджваньня - 9,4 мзв/год - адзначана ў мястэчку Забор'е.

Гісторыя

У 1929 годзе, з фармаваньнем раённага дзяленьня, Краснагорская воласьць была скасаваная, а на яе тэрытарыяльнай аснове сфармаваны Краснагорскі раён Клінцоўскай акругі Заходняй вобласьці. 5 ліпеня 1944 Указам Прэзыдыюму Вярхоўнага Савету СССР была ўтвораная Бранская вобласьць, у склад якой, нароўні зь іншымі, быў улучаны і Краснагорскі раён. У 1963 раён быў скасаваны, у 1966 — адноўлены.

Дэмаграфія

Насельніцтва раёну складае 16,1 тыс. чалавек. Усяго налічваецца 53 населеныя пункты.

Адміністрацыйна-тэрытарыяльны падзел

Па муніцыпальнай рэформе (2005) у раёне маецца 1 мескае і 6 сельскіх паселішчаў:

Мескія паселішчы:

1. Краснагорскае мескае паселішча

Сельскія паселішчы:

1. Калюдаўскае сельскае паселішча
2. Латакоўскае сельскае паселішча
3. Любаўшанскае сельскае паселішча
4. Макарыцкае сельскае паселішча
5. Пераласкае сельскае паселішча
6. Ялоўскае сельскае паселішча

Эканоміка

• Сыраробны завод у мяст. Красная Гара

Транспарт

Маршрут 540 «Красная Гара — Бранск».

Выдатныя мясьціны

• Гарадзішча ў мяст. Красная Гара.
• Курганы радзімічаў у мяст. Красная Гара.
• Царква Раства Хрыстова ў с. Калюды.
• Вятрак у в. Марозаўка.
• Царква Покрыва Прасьв. Багародзіцы ў с. Медзьведзі.
• Царква Покрыва Прасьв. Багародзіцы ў с. Ялоўка.

Выбітныя асобы

Цымбаліст Васіль Арсеньцевіч - заслужаны вынаходнік Расеі, нарадзіўся 20 траўня 1935 года ў в. Рубаны Краснагорскага раёна Бранскай вобласьці ў вялікай сялянскай сям'і.

Вонкавыя спасылкі

• Краснагорскі раён на Radzima.org
• Інфармацыйны партал Браншчыны (рас.)