Ліга чэмпіёнаў УЭФА

Ліга чэмпіёнаў УЭФА UEFA Champions League
Заснаваны	1992 (1955 у іншым фармаце)
Колькасьць камандаў	32 (групавая стадыя) 76 або 77 (агулам)
Дзейны чэмпіён	Чэлсі (1)
Найбольш пасьпяховы клюб	Рэал Мадрыд (9)
Вэб-сайт	Афіцыйны сайт
Ліга чэмпіёнаў УЭФА 2012—2013 гадоў

Ліга чэмпіёнаў УЭФА (па-ангельску: UEFA Champions League) — штогадовае футбольнае спаборніцтва паміж вядучымі эўрапейскімі клюбамі пад эгідай УЭФА.

Са свайго першага сэзону 1955/1956 і да сэзону 1991/1992 спаборніцтва называлася Кубкам эўрапейскіх чэмпіёнаў. З сэзону 1992/1993 спаборніцтва атрымала свой цяперашні назоў і зьмяніла фармат, адступіўшыся ад алімпійскай сыстэмы на карысьць групавога этапу. Цяпер спаборніцтвы ў Лізе чэмпіёнаў уяўляюць зь сябе 3 кваліфікацыйныя раўнды, групавы этап (8 групаў па 4 каманды, зь якіх у наступную стадыю выходзяць першыя дзьве, а каманда, якая заняла трэцяе месца, трапляе ў 1/16 фіналу Лігі Эўропы) і, пачынаючы са стадыі 1/8 фіналу, гульня па сыстэме плэй-оф з матчамі на сваім і на чужым стадыёне з заканчэньнем у выглядзе фіналу з аднаго матчу на нэўтральным стадыёне.

Сьпіс найлепшых клюбаў у гэтым турніры ўзначальвае гішпанскі «Рэал», які атрымліваў перамогу ў Лізе чэмпіёнаў (уключна зь перамогай у Кубку чэмпіёнаў) 9 разоў. Сем разоў турнір выйграваў італьянскі «Мілян», 5 разоў — ангельскі «Лівэрпул», па 4 разы — нямецкая «Баварыя» (Мюнхэн) і нідэрляндзкі «Аякс» з Амстэрдаму.

Вонкавыя спасылкі

Ліга чэмпіёнаў УЭФА — сховішча мультымэдыйных матэрыялаў

• Афіцыйны сайт (анг.)
• Навіны футбольнай Лігі чэміёнаў па-беларуску
• UEFA CHAMPIONS LEAGUE RANKINGS AND MORE…