Магілёўскі абласны мастацкі музэй імя Паўла Масьленікава: розьніца паміж вэрсіямі
д r2.7.2+) (робат дадаў: be:Магілёўскі абласны мастацкі музей імя Паўла Масленікава |
д r2.7.1) (робат дадаў: ru:Могилёвский областной художественный музей имени Масленникова |
||
Радок 56: | Радок 56: | ||
[[be:Магілёўскі абласны мастацкі музей імя Паўла Масленікава]] |
[[be:Магілёўскі абласны мастацкі музей імя Паўла Масленікава]] |
||
[[ru:Могилёвский областной художественный музей имени Масленникова]] |
Вэрсія ад 17:02, 8 кастрычніка 2012
Магілёўскі абласны мастацкі музэй імя Паўла Масьленікава | |
Месцазнаходжаньне | Магілёў, Беларусь |
---|---|
Адрас | Магілёў, вул. Першамайская |
Створаны | 19 лістапада 1990 г. |
maslenikov.iatp.by |
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 513Г000034 |
Магілёўскі абласны мастацкі музэй імя Паўла Масьленікава — заснаваны ў адпаведнасьці з Законам Рэспублікі Беларусь «Аб музэях і музэйных фондах Рэспублікі Беларусь», адкрыты рашэньнем выканаўчага камітэта Магілёўскага абласнога савета дэпутатаў № 13 ад 19 лістапада 1990 году.
Указам Прэзыдэнта Рэспублікі Беларусь ад 22 студзеня 1996 году Магілёўскаму абласному музэю было прысвоена імя Паўла Васільевіча Масьленікава.
Музэй разьмяшчаецца ў будынку, які зьяўляюцца помнікам архітэктуры пачатку ХХ стагодзьдзя. Будынак узьвялі ў 1903-1914 гадах з рысамі мадэрну, псэўдарускага стылю і позьняга клясыцызму[1].
Пачаткова ў ім знаходзіўся сялянска-зямельны банк. У лістападзе 1917 году, пасьля захопу царскай стаўкі ў Магілёве чырвонаармейцамі, у будынку банка выдавалася бальшавіцкая газэта «Рэвалюцыйная стаўка». У траўні 1919 ўвесь будынак быў перададзены аддзелу народнай адукацыі для адкрыцьця ў ім музэя пралетарскай культуры. З гэтага часу і на працягу 13 гадоў, да траўня 1932 году, тут знаходзіўся Магілёўскі дзяржаўны гістарычны музэй.
З 1932 году ў будынку разьмяшчаўся Магілёўскі абкам ВКП(б), аднак спэцсховішча працягвала дзейнічаць да пачатку вялікай айчыннай вайны .
Славутасьцю будынка быў браніраваны пакой-сэйф, у якім захоўваліся музейныя рэліквіі. Сярод іх — Крыж Эўфрасіньні Полацкай. Згодна са складзеным камісіяй акту ад 22 сьнежня 1944 году аб шкодзе, нанесенай Магілёўскаму дзяржаўнаму гістарычнаму музэю ў пэрыяд вялікай айчыннай вайны гітлераўскімі войскамі, з музэя зьнікла вялікая колькасьць каштоўнасьцяў, якія там захоўваліся. Сярод іх: калекцыя беларускіх рукапісных кніг і грамат (175 адзінак); зброя X—XIV стст. (280 адзінак); манэты (18 тысяч адзінак); іконы XVII-ХIX стст.; Булава Жыгімонта III; Мітра Георгія Каніскага (срэбра); увагі заслугоўвае плашчаніца, якая датуецца 1566 годам — праца блізкай сваячкі Івана Грознага Анастасіі Раманаўны — Ганны Фёдараўны Палецкай і шмат іншага.
Пасьля вызваленьня горада ў 1944 годзе ў ім разьмяшчаўся абкам і гаркам КПСС, а пазьней — рэдакцыя газэты «Магілёўская праўда».
З 19 лістапада 1990 году ўтвораны Магілёўскі абласны мастацкі музэй.
Выява музэя зьмяшчаецца на беларускай банкноце вартасьцю ў 200 000 рублёў.[2]
Крыніцы
- ^ Ганна Кот (12 сакавіка 2012) Нацбанк Беларусі правёў прэзэнтацыю банкнота наміналам Br200 тыс Эканоміка. Беларускае тэлеграфнае агенцтва. Праверана 13 сакавіка 2012 г.
- ^ «Пагоня» вяртаецца на грошы