Дрыса (рака)

Рака

Дрыса
Мост праз Дрысу каля возера Буза
Агульныя зьвесткі
Выток	воз. Дрысы
Вусьце	Дзьвіна
Краіны басэйну	Беларусь
Вобласьці	Віцебская вобласьць і Пскоўская вобласьць
Даўжыня	183 км
Сярэднегадавы сьцёк	45,6 м³/с
Плошча басэйну	6420 км²
Нахіл воднай паверхні	0,2 ‰
Галерэя здымкаў у Вікісховішчы

Дрыса — рака ў Расонскім і Верхнядзвінскім раёнах Беларусі, правы прыток Дзьвіны. Даўжыня 183 км. Плошча вадазбору 6420 км². Выдатак вады ў вусьці 45,6 м³/с. Сярэдні нахіл воднай паверхні 0,2 ‰. Агульнае падзеньне ракі 45,3 м.

Асноўныя прытокі

• Праваруч: Нешчарда, Нішча, Свольна
• Леваруч: Шчаперня, Дахнарка, Званіца

На рацэ

• Месты: Дрыса

Агульныя зьвесткі

Рака Дрыса каля вёскі Прыхабы

Сутокі Дрысы і Дзьвіны

Выцякае з возера Дрысы, цячэ паўночнай часткай Полацкай нізіны, праз азёры Астраўцы, Сіньша і Буза, вусьце ў межах места Дрыса.

Даліна трапэцападобная, месцамі скрынкападобная, ніжэй за вусьце Нішчы на асобных дзялянках невыразная, шырынёй 0,2—0,5 км, у нізоўі — 1,5 км. Абалона нярэдка забалочаная, яе шырыня 0,1—0,5 км. Рэчышча зьвілістае, шырынёй 25—45 м.

Веснавое разводзьдзе пачынаецца ў канцы сакавіка, доўжыцца каля 60 дзён. Летне-восеньская межань каля 140 дзён. Замярзае ў канцы сьнежня, крыгалом у канцы сакавіка — пачатку красавіка. Веснавы ледаход у вярхоўі 8 дзён, у нізоўі 2 дні. Каля вёскі Дзёрнавічы Верхнядзвінскага раёну (61 км угару ад вусьця) найбольшы выдатак вады 279 м³/с (1962), найменшы — 6,34 м³/с (1972).

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1-2. — Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.

Вонкавыя спасылкі

Дрыса (рака) — сховішча мультымэдыйных матэрыялаў