Розьніца паміж вэрсіямі «Касьцёл і калегіюм езуітаў (Бабруйск)»

 

Заснаваны ў [[1615]] на фундацыю [[Бабруйскае староства|бабруйскага старосты]] [[Пётра Трызна|Пятра Трызны]]. У [[1625]] касьцёл быў перададзены езуітам. Сярод архітэктараў касьцёлу вядомыя [[Уладзіслаў Дзягілевіч]] ([[1699]]–[[1700]]), [[Казімер Мацелякоўскі]] ([[1735]]–[[1736]]), [[Тамаш Жаброўскі]] ([[1746]]), [[Габрыэль Лянкевіч]] ([[1747]]–[[1748]]) і [[Францішак Карава]] ([[1757]]–[[1758]]). Вядома таксама пра ўдзел у будаўніцтве ў [[1732]]-[[1747]] муляра [[Якуб Руоф|Якуба Руофа]].

Унутры навы былі перакрытыя цыліндрычнымі скляпеньнямі з распалубкамі на здвоеных падпружных арках, якім на фасадах адпавядалі здвоеныя пілястры, у чым можна бачыць прыкмету позьняга барока. Пры ўваходзе мясьціўся «хор мураваны на 2 філярах са сходамі з абодвух бакоў». Невялікія хоры разьмяшчаліся таксама над закрыстыямі. Галоўны аўтар, які ўключаў 8 позьнебарочных скульптураў сьвятых (у т.л. скульптуры сьвятых Ігната, Бергіяша, Ксавэра, Станіслава), 6 бакавых аўтароў, амбону, усё сакральнае начыньне інтэр'еру былі драўлянымі й былі зробленыя майстрамі Язэпам Шылам і Антонам Марціноўскім. На сьценах меўся фрэскавы жывапіс, а сярод абразоў знаходзіліся [[сармацкі партрэт|сармацкія]] данатарскія партрэты караля [[Жыгімонт Ваза|Жыгімонта Вазы]] й Пятра Трызны.

 

 

== Вонкавыя спасылкі ==

 

[[Катэгорыя:Каталіцкія храмы Беларусі]]