Поцех

Возера Поцех Панарама Поцеху Від на возера Поцех з боку вёскі Слабодка Краіна Беларусь Плошча 1,35 км² Плошча вадазбору 28,6 км² Максымальная глыбіня 9,1 м Найбольшая даўжыня 2,55 км Найбольшая шырыня 0,95 км Даўжыня берагавой лініі 9,72 км Вышыня над узроўнем мора 127 м Аб’ём вады 4,52 млн м³ Каардынаты 55°41′6.83″ пн. ш. 27°9′57.03″ у. д. Поцех на мапе Беларусі Поцех

Галерэя здымкаў у Вікісховішчы

Поцех — возера ў Браслаўскім раёне Віцебскай вобласьці. Знаходзіцца за 10 км на паўночны ўсход ад Браслава, каля вёскі Слабодка. Належыць да групы Браслаўскіх азёр.

Поцех знаходзіцца ў басэйне ракі Друйка. Плошча возера складае 1,35 км². Найбольшая глыбіня возера — 9,1 м. Даўжыня — 2,55 км, найбольшая шырыня — 0,95 км. Даўжыня берагавой лініі — 9,72 км. Аб’ём вады ў возеры складае 4,52 млн м³, плошча вадазбору возера — 28,6 км².

Схілы катлавіны возера маюць вышыню да 10 мэтраў. На поўначы схілы прадстаўленыя камавымі ўзгоркамі, пераважна разараныя. Паўднёвыя схілы ўтвораныя пяшчанай озавай градой вышынёй у 25—30 мэтраў. Града на поўдні аддзяляе Поцех ад возера Недрава.

Да глыбіні 1,5 мэтра дно пяшчанае, месцамі — гліністае.

Надводная расьліннасьць у возеры пашыраная да глыбіні 1,5 мэтры, падводная — да глыбіні 2—2,5 мэтры.

Вадаём злучаны пратокай з возерам Недрава, таксама ў поцех упадае ручай з возера Ільменак.

Возера зьяўляецца месцам адпачынку, уваходзіць у турысцкія маршруты.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1

Вонкавыя спасылкі

Поцех — сховішча мультымэдыйных матэрыялаў