Аляксандар Марыянскі

Аляксандар Мацей Марыянскі /Maryański/ (12 лютага 1845, Аргенаў /Argenau або Gniewkowo/, Правінцыя Позен /Provinz Posen/, Каралеўства Прусія /Königreich Preußen/ — 17 лістапада 1912, Гнезен /Gnesen або Gniezno/, Правінцыя Позен, Каралеўства Прусія) — сьвятар, публіцыст і гісторык.

Пасьля заканчэньня ў Познані духоўнай сэмінарыі ён ў 1870 г. высьвеціўся на сьвятара ў Гнезна. У 1873 г. пераяжджае ва Львоў, адкуль у 1897 г. ізноў вяртаецца ў Гнезна, дзе і памірае.

Быў заўзятым бібліяфілам, нястомна корпаўся ў парафіяльных бібліятэках ды хатніх архівах, займаўся гісторыяй і публіцыстыкай. Нягледзячы на даволі слабую літаратурную падрыхтоўку, прыклаў шмат намаганьняў каб «Dyaryusz więzienia moskiewskiego miast i miejsc spisany przez Adama Kamieńskiego», які ён, у неякаснай копіі, зробленай ў XVIII ст. для капаніцкага старасты Понінскага, адшукаў у рукапіснай кнізе «Silva Rerum» у бібліятэцы парафіі Сьвятога Апостала і Эвангеліста Мацея ў Гэмбіцах, калі гасьцяваў у сьвятара Пётры Кушынскага, пабачыў сьвет: «Warta. Książka zbiorowa ofiarowana księdzu Franciszkowi Bаżyńskiemu proboszczowi przy kościele św. Wojciecha w Poznaniu na Jubileusz 50-letniego kapłaństwa w dniu 23. kwietnia 1874. оd jego przyjaciól i wielbicieli. (S popiersiem Jubilara.)». W Poznaniu. 1874. S. 378—388./

Сярод іншых шматлікіх публікацыяў, ягонаму пяру таксама належаць: "Unicka Matka Boska Nowogródzka Zamkowa na czele «Pana Tadeusza» (Lwów 1898—1899) ды «Wspomnienie o Słucku» (Wydał B.J.K. W Gnieźnie. 1905.). Ягоны кнігазбор захоўваецца ў Бібліятэцы Рачынскіх у Познані.

Літаратура

• Maryański Aleksander. // Podręczna encyklopedya kościelna. T. XXV і XXVI. Warszawa-Kraków. 1911. S. 322.
• Zieliński Z. Maryański Aleksander Macej. // Polski słownik biograficzny. T. XIX/4. Z. 83. Wrocław-Warszawa-Kraków-Gdańsk. 1975. S. 102./