Беларускі культурна-асьветніцкі цэнтар у Познані

Файл:Symbal BKAC.jpeg

Сымбаль Беларускага Культурна-Асьветніцкага Цэнтра ў Познані "Ярыла на кані"

Файл:Symbal BKAC.gif

Колішні сымбаль Беларускага Культурна-Асьветніцкага Цэнтра ў Познані

Белару́скі Культу́рна-Асьве́тніцкі Цэ́нтар у По́знані (БКАЦ), культурна-асьветніцкая, няўрадавая арганізыцыя беларусаў у Познані, Польшча. Заснаваная 15 лістапада 2002 г., юрыдычна зарэгістраваная 23 красавіка 2003 году Раённым Судом у Познані.

Вышэйшы ворган — Управа. Працу Управы кантралюе Рэвізійная камісія. Старшыня — Віталь Воранаў.

Аб’ядноўвае беларускі, студэнцкі асяродак (прыблізна сорак беларусаў і палякаў) у Познані, Польшча. Мэты арганізацыі – заахвочваньне студэнтаў да працы на карысьць разьвіцьця дэмакратыі ў Беларусі, пашырэньне беларускай культуры, мовы і ведаў аб Беларусі ў акадэміцкім асяродзьдзі Познаня, сярод палякаў і замежнікаў, прамоцыя Беларусі ў Эўропе і дэмакратычным сьвеце, а таксама спрыяньне стварэньню будучых, добра адукаваных элітаў Беларусі.

Сябрамі арганізацыі зьяўляюцца такія вядомыя дзеячы і мастакі як Анатоль Маўчун, Уладзімір Блюднік, Марк Максымовіч.

Цяперашнюю сымболіку арганізацыі, на падставе народнай вышыўкі, запраектаваў Марк Максымовіч. Выява прадстаўляе скіраванага у правы бок Ярылу на кані. Рукі Ярылы ўзьнесеныя ўгору і сымбалізуюць асьветніцкі характар арганізацыі.

Вонкавыя спасылкі

• Афіцыйны сайт «Беларускага Культурна-Асьветніцкага Цэнтра ў Познані»