Генадзь Шыманоўскі

Генадзь Шыманоўскі (1891, ваколіцы Слуцка — ?) — беларускі палітык міжваеннай Польскай Рэспублікі, пасол польскага Сойму III, IV i V скліканьня (1930—1939).

Навучаўся ў Маскве на эканаміста. У 1924 годзе працаваў у Хрэсьціянскім Банку ў Клецку. Пасьля выконваў абавязкі дырэктара Хрэсьціянскага Народнага Банку ў Нясьвіжы. З 1927 году зьвязаны з самакіраваньнем у Наваградку.

У 1930 годзе вылучаўся ад Беспартыйнага Блёку Супрацы з Урадам, у выніку чаго атрымаў мандант пасла з акругі Наваградак. У 1935 і 1938 гадох ізноў абраны да сойму, гэтым разам у акрузе Баранавічы. Пад час сойму IV скліканьня выконываў функцыі сакратара Камісыі Прамыслова-Гандлёвай.

Творы

• Gienadiusz Szymanowski, Dwanaście lat — wspomnienia z lat 1927—1939, Торунь 1998, wyd. Adam Marszałek, ss. 312  (пол.)

Вонкавыя спасылкі

Рэцэнзія Яўгена Мірановіча на ўспаміны Генадзя Шыманоўскага