Люнд

Люнд
Першыя згадкі:	990
Насельніцтва (2010) • колькасьць: • шчыльнасьць:	82 800 32,15
Часавы пас: • летні час:	UTC+1 UTC+2
Геаграфічныя каардынаты:	55°42′ пн. ш. 13°12′ у. д.
Люнд на мапе Швэцыі Люнд
Галерэя здымкаў у Wikimedia Commons

Люнд (па-швэдзку: Lund) - горад на поўдні Швэцыі, у лэне Сконэ, у аднайменным ляндзкапе, цэнтар Люндзкай камуны, у прадмесьці Мальмё.

Гісторыя

Люнд быў заснаваны каля 990 году. Такім чынам, ён зьяўляецца, разам з Сыгтунай ды Скарай адным з найстарэйшых гарадоў Швэцыі, аднак у адрозьненьне ад вышэйназваных, ён не зьяўляецца спрадвечна швэдзкім: як і ўвесь Сконэ, ён быў далучаны да Швэцыі толькі ў 1658 годзе, а дагэтуль быў данскім. У XI стагодзьдзі Люнд становіцца цэнтрам біскупства. У той сама час, гэта быў найбуйнейшы горад Даніі: ў ім жыло прыкладна 3-4 тысячы жыхароў. Аднак пачынаючы з XIV стагодзьдзя, ён паступова страчвае сваю значнасьць з-за росту суседняга Мальмё. Неўзабаве пасьля далучэньня да Швэцыі, у 1666 годзе тут быў заснаваны унівэрсытэт, аднак да XIX стагодзьдзя ў ім кожны год навучалася ўсяго толькі сотня студэнтаў. На пачатку XVIII стагодзьдзя горад перажыў некалькі пожараў і чуму. У 1716-1718 гг. тут жыў і кіраваў краінай кароль Карл XII. У 1856 годзе ў Люнд з Мальмё была пракладзена чыгунка, і пачалася індустрыялізацыя гораду, а напрыканцы XIX стагодзьдзя значна павялічылася колькасьць студэнтаў. Апасьля Другой Сустветнай вайны горад пачынае расьці па-сапраўднаму: насельніцтва вырасла з 40 000 чалавек у 1950 годзе да амаль 74 000 чалавек у 2000, былі пабудаваны новыя дарогі, жылыя кварталы, заснавана Вышэйшая Тэхнічная школа.

Славутасьці

Люндзкі сабор.

Сярэдневечны дом Стэкет, Люнд.

• Катэдральны сабор - найбуйнейшы ў Раманскім стыле сабор Швэцыі й найстарэйшы сабор Скандынавіі.
• Дом "Стэкет" (XVI ст.)
• "Каралеўскі дом", альбо Старая Акадэмія (1578-1584).
• Wickmanska gården - фахвэркавы будынак XVIII ст. (згарэў у 2002, цалкам адбудаваны ў 2004).