Менская губэрня

Менская губэрня
Минская губернія
Герб
Агульныя зьвесткі
Краіна	Расейская імпэрыя
Статус	губэрня
Адміністрацыйны цэнтар	Менск
Дата ўтварэньня	23 сакавіка 1793
Дата скасаваньня	1921
Губэрнатары	гл. Менскія губэрнатары
Насельніцтва (пач. ХХ ст.)	2 539 100
Плошча	91 213 км² км²
Час існаваньня	1793—1795, 1796—1917
Месцазнаходжаньне Менскай губэрні
Менская губэрня на мапе
Дадатковыя мультымэдыйныя матэрыялы

Менская губэрня (па-расейску: Минская губерния, Минская губернія) — адміністрацыйна-тэрытарыяльная адзінка Расейскае імпэрыі ў 1793—1917; разам зь Віленскай, Ковенскай, Гарадзенскай, Магілёўскай і Віцебскай губэрнямі ўтварала Паўночна-Заходні край. У пачатку XX стагодзьдзя плошча яе тэрыторыі складала каля 91 213 км², а колькасьць насельніцтва — 2 539 100 чалавек.

Адміністрацыйна-тэрытарыяльны падзел

• Бабруйскі павет
• Барысаўскі павет
• Ігуменскі павет
• Менскі павет
• Мазырскі павет
• Наваградзкі павет
• Пінскі павет
• Рэчыцкі павет
• Слуцкі павет
• Вялейскі павет, 1795 (пазьней тэрыторыя ўвайшла ў Менскі і Вялейскі паветы Віленскае губэрні)
• Давыд-Гарадоцкі павет, 1795 (пазьней тэрыторыя ўвайшла ў Пінскі і Мазырскі паветы)
• Докшыцкі павет, 1795 (пазьней тэрыторыя ўвайшла ў Барысаўскі і Вялейскі павет Віленскай губэрні)
• Нясьвіскі павет, 1795 (пазьней тэрыторыя ўвайшла ў Слуцкі і часткова ў Менскі павет)
• Пастаўскі павет, 1795 (пазьней тэрыторыя ўвайшла ў Дзісненскі і Вялейскі паветы Віленскай губэрні)
• Дзісенскі павет, 1795 (пазьней у Віленскай губэрні)

Адукацыя

23 красавіка 1913 году менскі губэрнатар Аляксей Гірс выдаў сакрэтны ўказ, каб беларускамоўныя дзеці навучаліся рэлігіі выключна на расейскай мове.

У выніку лютаўскай рэвалюцыі на ўсходніх землях колішняй Рэчы Паспалітай была зьнятая забарона польскай асьветы. У школьным годзе 1917/1918 у Менскай губэрні зьявіліся 243 польскія школы, у тым ліку сярэднія ў Койданаве і Нясьвіжы. Паводле афіцыйных зьвестак навучалася ў іх 11 199 дзецей, значыць амаль 1/4 усіх навучэнцаў на тэрыторыі гэтай губэрні. Па-за Менскам польская асьвета асабліва разьвівалася у паветах: ігуменскім, слуцкім і барысаўскім.

Выбітныя асобы

• Канстанцін Акаловіч — дэпутат IV Дзяржаўнай Думы ад Менскай губэрні

Літаратура

• Минская губерния. Государственные, религиозные и общественные учреждения. 1793—1917 гг. — Мн., БелНИИДАД, 2006 — 392.
• Dariusz Tarasiuk: Między nadzieją a niepokojem. Działalność społeczno-kulturalna i polityczna Polaków na wschodniej Białorusi w latach 1905–1918. Lublin: Wydawnictwo Uniwersytetu Marii Curie-Skłodowskiej, 2007, s. 211. ISBN 978-83-227-2629-7.

Вонкавыя спасылкі

• Герб Менскай губэрні