Упсальскі ўнівэрсытэт

Упсальскі ўнівэрсытэт (шв. Uppsala universitet) — найстарэйшы публічны ўнівэрсытэт Швэцыі і ўсёй Скандынавіі, які існуе з 1477 г. З унівэрсытэтам зьвязаныя імёны такіх навукоўцаў, як Карл Лінэй, Андэрс Цэльсій, Андрэс Ангстрэм, Адам Афцэліюс, Пэр Афцэліюс. Знаходзіцца ў швэдзкай Упсале.

Гісторыя

Заснаваны ў 1477 годзе. Кароль Густаў-Адольф ахвяраваў установе ўсе свае фамільныя багацьці.

Галоўны будынак унівэрсытэта Ўпсалы ва ўнівэрсытэцкім парку, Упсала (завершаны ў 1887).

Унівэрсітэцкая бібліятэка налічвае каля 275 000 тамоў, ня ўлічваючы дробных кніг і брашур, і 12000 рукапісаў, у ліку якіх Codex argenteus Вульфілы. Нумізматычная калекцыя (каля 16 000 манэтаў), збор карцінаў, каштоўныя калекцыі мінэралаў, вялікі батанічны сад з музэем і са статуяй Лінэя, хімічная лябараторыя і іншыя (агульным лікам 12) акадэмічныя ўстановы.

Будынак унівэрсытэта, узьведзены ў 1879—1887, пабудавана ў стылі Рэнэсанс, з мармуровымі калёнамі, раскошнымі залямі і аўдыторыямі.

Выбітныя асобы, якія вучыліся ва ўнівэрсытэце

• Карл Яльмар Брантынг
• Натан Сёдэрблюм
• Юхан Аўгуст Стрындбэрг
• Даг Хамаршэльд

Вонкавыя спасылкі

Упсальскі ўнівэрсытэт — сховішча мультымэдыйных матэрыялаў