Пабеда (Берасьцейская вобласьць)

Пабеда
трансьліт. Pabieda
Першыя згадкі:	XX ст.
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	90 чал. (2010)
Часавы пас:	UTC+3
Тэлефонны код:	+375 1631
СААТА:	1240804061
Нумарны знак:	1
Геаграфічныя каардынаты:	52°28′2″ пн. ш. 23°29′12″ у. д.
Пабеда на мапе Беларусі ± Пабеда Пабеда
Галерэя здымкаў у Вікісховішчы

Пабе́да — вёска ў Камянецкім раёне Берасьцейскай вобласьці, уваходзіць у Вярховіцкі сельсавет. У вёсцы 90 жыхароў (2010).

Пабеда месьціцца за 30 км на паўночны захад ад Камянцу, за 58 км на поўнач ад Берасьця, за 11 км на паўночны ўсход ад чыгуначнай станцыі Высока-Літоўск (лінія Берасьце — Беласток).

Гісторыя

У вёсцы засталіся парэшткі маёнтку Капылы, які згадваецца зь сярэдзіны XVI ст. і ўваходзіў у Берасьцейскім павеце і ваяводзтве ВКЛ на той час. У 1567 г. ваявода Менскі, дзяржаўца Камянецкі з маёнтку выстаўляў пошту, 7 коней. З 1795 году ў выніку трэцяга падзелу Рэчы Паспалітай маёнтак у складзе Расейскай імпэрыі. Паводле інвэнтару 1845 году ў склад маёнтку ўваходзілі 5 фальваркаў (Капылы, Каралін, Сіроцін, Дварэц, Апака), вёскі: Капылы, Кунахавічы, Бушмічы, Бярозаўка, Ясінаўка, Міневічы, Сушкі, Каленкавічы, Падбур’е, Сіпурка, Апака, усяго 388 двароў, 2910 рэвіскіх душ, 9838 дзесяцінаў зямлі. У 2-й палове XIX ст. маёнтак уваходзіў у склад Вярховіцкай воласьці Берасьцейскага павету Гарадзенскай губэрні. У 1890 годзе маёнтак належаў Фэліксу Пуслоўскаму, а ў пачатку XX ст. — Ротам.

Насельніцтва

• 2010 год — 90 чалавек
• 1999 год — 145 чалавек

Літаратура

• Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 75.

Вонкавыя спасылкі

• Победа (рас.), Глёбус Беларусі
• Пабеда , Radzima.org