Софі Оксанэн

Софі Оксанэн
Асабістыя зьвесткі
Нарадзілася	7 студзеня 1977(1977-01-07)[…] (49 гадоў) Ювяскюля, Фінляндыя
Літаратурная дзейнасьць
Род дзейнасьці	навэлістка, драматург, выдавец
Гады творчасьці	2003 — цяпер
Мова	фінская мова і эстонская мова
Значныя творы	Сталінскія каровы (2003), Ачышчэньне (2008), Норма (2015)
Узнагароды	Kalevi Jäntti Award[d] (2008) Finlandia Award[d] (2008) Waltari Award[d] (2008) Прэмія Рунеберга[d] (2009) літаратурная прэмія Паўночнай рады[d] (2010) Прэмія «Фэміна» найлепшаму замежнаму аўтару[d] (2010) Prix du roman Fnac[d] (2010) Q137863831? (2010) скандынаўская прэмія Швэдзкай акадэміі[d] (2013) Finnish National Prize[d] (2023) Union of Finnish Writers Award[d] (2008)
Софі Оксанэн у Вікісховішчы
http://www.sofioksanen.com/, http://www.sofioksanen.fi/

Софі Оксанэн (па-фінску: Sofi-Elina Oksanen, нар. 7 студзеня 1977, Ювяскюля, Фінляндыя) — фінская пісьменьніца, публіцыстка, драматургіня, фэміністка, актывістка ЛГБТК-руху.

Жыцьцяпіс

Нарадзілася 7 студзеня 1977 году ў горадзе Ювяскюля. Бацька — фін (па прафэсіі — электрык), маці — эстонка (інжынэрка), якая ў 1970-я гады эмігравала ў Фінляндыю. Вучылася ва ўнівэрсытэтах Ювяскюля і Хэльсынак, вывучала драму ў Акадэміі тэатру Фінляндыі. Публічна заяўляе пра сваю бісэксуальнасьць, пакутуе на псіхагенны харчовы разлад.

У 2009 годзе ў сааўтарстве з эстонскай пісьменьніцай Імбі Паю Софі Оксанэн выпусьціла ў Фінляндыі дакумэнтальны зборнік "За ўсім стаяў страх", які складаецца з артыкулаў розных аўтараў на тэму савецкага пэрыяду ў гісторыі Эстоніі. У 2010 годзе зборнік "За ўсім стаяў страх" выйшаў у перакладзе на эстонскую мову.

3 сьнежня 2012 году ўзнагароджаная мэдалём "Pro Finlandia" ("За Фінляндыю").

У 2013 годзе выдавецтва "Bazar" запатрабавала зь пісьменьніцы ў судовым парадку каля 1 млн. эўра па заключанай у 2005 годзе дамове на кнігу пад працоўнай назвай "Французская груша", якая так і не была напісаная. 17 ліпеня 2015 году павятовы суд Хэльсынак прысудзіў пісьменьніцу да выплаты кампэнсацыі памерам у 35 тысячаў эўра, скасаваўшы яе дамову з выдавецтвам і загадаўшы "Bazar" выплаціць аўтарцы судовыя выдаткі ў 15 тысячаў эўра.

Увосень 2025 году пісьменьніца ўдзельнічала ў фэстывалі "Прадмова" ў Варшаве.

Оксанэн таксама напісала шматлікія артыкулы, апублікаваныя ў міжнародных газэтах. Тэмы часта зьвязаныя з свабодай слова, правамі жанчынаў, расейскай палітыкай, інфармацыйнай вайной, іміграцыяй і "фінляндызацыяй".

У 2014 годзе газэта Die Welt апублікавала ейны артыкул пра інфармацыйную вайну з пункту гледжаньня былых краінаў Усходняга блёку.

Шмат піша пра гвалт у дачыненьні да жачынаў падчас вайны, у прыватнасьці расейска-ўкраінскай вайны.

Аўтарка шматлікіх раманаў, п'есаў, навэляў, вершай і лібрэта.

Жыве і працуе ў Хэльсынках.

Творы

Раманы

• Stalinin lehmät. WSOY, 2003. ISBN 951-0-28223-5
• Baby Jane. WSOY, 2005. ISBN 951-0-30966-4
• Puhdistus: Romaani. (Pohjautuu tekijän samannimiseen näytelmään) WSOY, 2008. ISBN 978-951-0-33973-2
• Kun kyyhkyset katosivat. Like, 2012. ISBN 978-952-01-0781-9
• Norma. Like, 2015. ISBN 978-952-01-1294-3
• Koirapuisto. Like, 2019. ISBN 978-952-01-1944-7
• Samaan virtaan: Putinin sota naisia vastaan. Like, 2023.