Соль (Славаччына)
| Соль | |
| славац. Soľ | |
 Управа вёскі Соль | |
| Дата заснаваньня: | 1252 |
| Краіна: | Славаччына |
| Край: | Прэшаўскі |
| Раён: | Уранаў над Топляй |
| Рэгіён: | Верхні Зэмплін |
| Староста: | Ёзэф Бэрта[1] |
| Плошча: |
|
| Вышыня: | 140 м н. у. м. |
| Насельніцтва: |
|
| Часавы пас: | UTC+1 |
| летні час: | UTC+2 |
| Тэлефонны код: | 057 |
| Паштовы індэкс: | 094 35 |
| NUTS: | 529176 |
| Нумарны знак: | VT |
| Геаграфічныя каардынаты: | 48°55′35″ пн. ш. 21°35′55″ у. д. / 48.92639° пн. ш. 21.59861° у. д.Каардынаты: 48°55′35″ пн. ш. 21°35′55″ у. д. / 48.92639° пн. ш. 21.59861° у. д. |
Соль на мапе Славаччыны   Соль | |
 Галерэя здымкаў у Вікісховішчы
| |
| https://www.obecsol.sk | |
Соль (па-славацку: Soľ) — вёска ў раёне Уранаў над Топляй Прэшаўскага краю Славаччыны. Насельніцтва на 2021 год — 2629 чалавек.
Геаграфія[рэдагаваць | рэдагаваць крыніцу]
У вёсцы працякае ручай Сланы потак, які ўпадае ў раку Топлю.
Мінуўшчына[рэдагаваць | рэдагаваць крыніцу]
Вёска Соль — адна з найстарэйшых вёсак Усходняй Славаччыны(sk). Дзякуючы выгаднаму геаграфічнаму становішчу ў даліне ракі Топля мясьціна была заселеная людзьмі яшчэ ў каменным веку.
Першая пісьмовая згадка пра Соль датаваная 1252 рокам. У грамаце, выдадзенай эгерскай капітулай, паведамляецца, што зэман(sk) Чыж з Маравянаў пры падзеле маёмасьці свайго брата Філка падараваў Соль зь іншымі маёнткамі свайму брату Штэфану й ягоным нашчадкам, што ўсе пацьвердзілі перад капітулаю ў прысутнасьці сьведак[3]. Назва вёскі паходзіць ад трох салёных крыніцаў блізу вёскі. Гэтай сольлю жыхары карысталіся ў прыгатаваньні ежы да Першай сусьветнай вайны.
Улетку 1831 року ў вёсцы пачалася эпідэмія халеры, пасьля якое выбухнула вялікае сялянскае паўстаньне.
У XIX стагодзьдзі ў Солі існавала вялізная жыдоўская грамада, дзейнічала сынагога і рэлігійная школа.
Інфраструктура[рэдагаваць | рэдагаваць крыніцу]
У вёсцы дзейнічае базавая школа, дзіцячы садок.
Рыма-каталіцкі касьцёл канца XV стагодзьдзя ў гатычным стылі, перабудаваны ў XVII стагодзьдзі ў барокавым стылі, у 1884 року — у нэагатычным стылі. Пратэстанцкі дом малітвы 1793 року зь вежаю 1864 року.
Насельніцтва[рэдагаваць | рэдагаваць крыніцу]
XXI стагодзьдзе: 2012 — 2468 жыхароў; 2015 — 2516 жыхароў.
Транспарт[рэдагаваць | рэдагаваць крыніцу]
На ўскрайку вёскі знаходзіцца прыпыначны пункт неэлектрыфікаванай чыгункі па маршруце між Прэшавам і Гумэнным (праз Вранаў над Топляй і Страске).
У вёсцы знаходзіцца аўтобусны прыпынак. Вёска ляжыць на асноўнай дарозе між Прэшавам і Ўранавам над Топляй.
Асобы[рэдагаваць | рэдагаваць крыніцу]
У 1627—1629 роках у эвангельскай пачатковай школе працаваў Якуб Якобэюс(sk), славацкі гуманіст, паэт і празаік.
Крыніцы[рэдагаваць | рэдагаваць крыніцу]
- ^ Zoznam zvolených starostov a primátorov podľa obcí, miest a mestských častí (славацк.) Праверана 12 студзеня 2017 г.
- ^ The 2021 Population and Housing Census — Браціслава: Statistical Office of the Slovak Republic.
- ^ Marsina, R.: Codex diplomaticus et epistolaris Slovaciae. II., Bratislava 1987, s. 288—289 MOL Budapest, DL 2206
Вонкавыя спасылкі[рэдагаваць | рэдагаваць крыніцу]
Соль (Славаччына) — сховішча мультымэдыйных матэрыялаў
- Бачына школы (славацк.)