Санта-Клара (Каліфорнія)
| Санта-Клара | |||
| Населены пункт | |||
 | |||
| |||
| Краіна | ЗША | ||
|---|---|---|---|
| Штат | Каліфорнія | ||
| Дата заснаваньня | 1777 | ||
| Кіраўніцтва і ўлада | |||
| Кіраўнік адміністрацыі | Ліза Гілмар[d][1] | ||
| Геаграфія | |||
| Плошча | 47,675 км² | ||
| Вышыня НУМ | 23 м | ||
| Часавы пас | |||
| Каардынаты | 37°21′16″ пн. ш. 121°58′09″ з. д.HGЯO | ||
| Насельніцтва | |||
| Колькасьць |
| ||
| Лічбавыя ідэнтыфікатары | |||
| Тэлефонны код | 408 | ||
| Паштовы індэкс | 95050, 95051, 95052, 95053, 95054, 95055 і 95056 | ||
| Сайт | santaclaraca.gov | ||
| Санта-Клара на мапе ЗША ±   Санта-Клара | |||
Са́нта-Кла́ра (па-ангельску: Santa Clara) — горад у акрузе Санта-Клара ў штаце Каліфорнія, ЗША. Заснаваны ў 1777 годзе як гішпанская місія Санта-Кляра-дэ-Асіз. Статус места атрымаў у 1852 годзе. Заступніца гораду — сьвятая Клара Асіская. Санта-Клара знаходзіцца ў цэнтры Крамянёвай даліны. У горадзе разьмешчаныя штаб-кватэры кампаніяў Intel, Applied Materials, Sun Microsystems, Nvidia, Agilent Technologies і іншых кампаній, якія працуюць у галіне мікраэлектронікі і праграмнага забесьпячэньня. У горадзе маецца футбольны клюб — «Сан-Францыска Фоці Найнэрз» (па-ангельску: San Francisco 49ers), які выступае ў Нацыянальнай футбольнай лізе.
Гісторыя
[рэдагаваць | рэдагаваць код]
Першым эўрапейцам, які наведаў даліну, стаў гішпанец Хасэ Франсіска Артэга ў 1769 годзе. На той момант тэрыторыя была населеная індзейцамі олані. У 1777 годзе была заснаваная місія Санта-Кляра-дэ-Асіз — адна з 21 на тэрыторыі Каліфорніі. У 1846 годзе ў ходзе вайны з Мэксыкай тэрыторыя Каліфарнійскай рэспублікі ўвайшла ў склад ЗША.
У 1851 годзе на тэрыторыі былой гішпанскай місіі быў заснаваны каледж Санта-Клары, які пазьней быў пераўтвораны на ўнівэрсытэт. У 1852 годзе Санта-Клара атрымала статус места. На працягу наступнага стагодзьдзя асновай эканомікі гораду была сельская гаспадарка, так як кліматычныя ўмовы і глеба спрыялі росту садоў і агароднінных культураў. Да пачатку XX стагодзьдзя насельніцтва гораду дасягнула 5000 чалавек. У 1905 годзе па-над Санта-Кларай былі зробленыя першыя публічныя палёты чалавека на плянэрах, сканструяваных Джонам Монтгомэры.
Да пачатку 1960-х гадоў у горадзе пачала разьвівацца вытворчасьць паўправаднікоў, якая зьмяніла горад і адзначыла пераход ад сельскагаспадарчага мінулага места. Першы шпіталь быў пабудаваны ў горадзе ў 1963 годзе. Санта-Клара стала адным з цэнтраў Крамянёвай даліны. У горадзе разьмяшчалася штаб-кватэра Sun Microsystems, якая пазьней была ўлучаная ў Нацыянальны рэестар гістарычных месцаў. Палітыка ўрбаністычнай рэканструкцыі 1950-х і 1970-х гадоў паскорыла заняпад цэнтру Санта-Клары.
Прамысловасьць
[рэдагаваць | рэдагаваць код]Асноўнымі недзяржаўнымі працадаўцамі ў горадзе ў 2010 годзе былі:[3]
| Нумар | Назва кампаніі | Колькасьць супрацоўнікаў |
|---|---|---|
| 1 | Intel | 5734 |
| 2 | Kaiser Permanente | 5630 |
| 3 | Applied Materials | 3746 |
| 4 | Oracle | 2700 |
| 5 | Nvidia | 2657 |
| 6 | BAE Systems Land & Armaments | 1914 |
| 7 | National Semiconductor | 1500 |
| 8 | Agilent Technologies | 1384 |
| 9 | Унівэрсытэт Санта-Клары | 1350 |
| 10 | Pacific Maintenance Company | 1000 |
Месты-сябры
[рэдагаваць | рэдагаваць код]Крыніцы
[рэдагаваць | рэдагаваць код]Вонкавыя спасылкі
[рэдагаваць | рэдагаваць код]- Афіцыйны сайт (анг.)
