Рэфэрэндум у Славаччыне 1997 году
Рэфэрэ́ндум у Слава́ччыне 1997 го́ду адбыўся 23—24 траўня. На ім славацкім выбарцам было зададзена чатыры асобныя пытаньні наконт далучэньня Славаччыны да НАТО, разьмяшчэньня ў краіне ядзернай зброі, разьмяшчэньня ў краіне замежных вайсковых базаў і прамапарадкавых выбарах прэзыдэнта Славаччыны. Дадзены рэфэрэндум праваліўся з рэкордна нізкай яўкай выбарнікаў у 9,53%[1].
Пытаньні[рэдагаваць | рэдагаваць крыніцу]
Першае пытаньне па далучэньні краіны да НАТО было высунута з ініцыятывы ўраду, але дадзеная прапанова мела вельмі малыя шанцы на ўвасабленьне праз тое, што пры прэм’ер-міністры Ўладзімеры Мэч’яры Славаччына пераўтварылася ў краіну-парыю[2], супрацоўніцтва НАТО зь якой было б малаімаверным[3]. Другое і трэцяе пытаньні былі зьвязаныя зь першым, якія сьвядома фармуляваліся ў стылі, які адштурхоўваў выбарнікаў, якія галасавалі «за» па першым пункце[4][5].
- Ці падтрымліваеце вы далучэньне Славаччыны да НАТО?
- Ці падтрымліваеце вы разьмяшчэньне ядзернай зброі на тэрыторыі Славаччыны?
- Ці падтрымліваеце вы знаходжаньне замежных вайсковых базаў на тэрыторыі Славаччыны?
Чацьвертае пытаньне было высунутае з ініцыятывы апазыцыі. Першапачаткова прэзыдэнт Славаччыны абіраўся 3/5 Народнай Рады, аднак палітычная палярызацыя, якая адбылася за часам кіраваньня Мэч’яра, стварыла сытуацыю, калі ніводны кандыдат ня здолеў бы набраць 60% падтрымкі. Выкарыстоўваючы той факт, што тэрмін паўнамоцтваў першага прэзыдэнта Міхала Ковача канчаўся ў чэрвені 1998 году, палітычныя апанэнты Мэч’яра шукалі выйсьце, каб пазьбегнуць вакантнага прэзыдэнцтва[3], што дазволіла б Мэч’яру аб’яднаць свае сілы[6]. Усталёўваючы ў краіне прэзыдэнцкія выбары з другім турам галасаваньня пры ўдзеле двух кандыдатаў, якія маюць найбольшую падтрымку, яны плянавалі ўзьяднаць у другім туры тых людзей, якія знаходзяцца ў апазыцыі да Мэч’яра, і перамагчы яго[3].
Крыніцы[рэдагаваць | рэдагаваць крыніцу]
- ^ Referendá v Slovenskej republike. Štatistický úrad SR (2010-09-03). Праверана 2010-09-19 г.
- ^ Aleks Szczerbiak; Taggart, Paul A. Opposing Europe?: The Comparative Party Politics of Euroscepticism Volume 1: Case Studies and Country Surveys. — Oxford: 2008. — P. 285. — ISBN 978019925-8307
- ^ а б в Karen Henderson Slovakia: The Escape From Invisibility. — London: 2002. — P. 47. — ISBN 9780415274364
- ^ Marián Belko ; Kopeček, Lubomír Referendum in theory and practice: the history of the Slovak referendums and their consequences. — 2003.
- ^ Slovakia: A Global Report on the State of Society. — Bratislava: . — P. 74.
- ^ Kevin Deegan-Krause Elected Affinities: Democracy and Party Competition in Slovakia and the Czech Republic. — Stanford: 2006. — P. 52. — ISBN 9780804752060
