Роў Яна і Цэцыліі

Зьвесткі зь Вікіпэдыі — вольнай энцыкляпэдыі
Магіла Яна і Цэцыліі

Роў Я́на і Цэцы́ліі — эразійная лагчына, гэоляга-геамарфалягічны і палеанталягічны помнік прыроды рэспубліканскага значэньня.

Разьмешчаны каля заходняй ускраіны вёскі Багатырэвічы Мастоўскага раёну Гарадзенскай вобласьці. Даўжыня рову складае 700 мэтраў, шырыня да 100 мэтраў, глыбіня да 10 мэтраў, плошча 0,3 км².

Лагчына ўтварылася пры размыве азёрна-ледавіковай нізіны за 14 тысячаў гадоў. Мае зьвілістую форму. Уключае помнік прыроды рэспубліканскага значэньня (з 1963) Самастрэльнікі — апорнае геалягічнае агаленьне старажытных вазёрных і балотых адкладаў муравінскага міжледавікоўя. Адклады магутнасьцю 3,3 м багатыя на рэшткі выкапнёвай флёры (больш за 100 відаў), што існавала каля 100 тысячаў гадоў назад. Ахоўны статус нададзены ў 1998 годзе.

На паверхні заходняга схілу, паводле паданьня, знаходзяцца магілы герояў рамана Элізы Ажэшкі «Над Нёманам» Яна і Цэцыліі.

Літаратура[рэдагаваць | рэдагаваць крыніцу]