Рашаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рашаў
трансьліт. Rašaŭ
Дата заснаваньня: перад 1618 годам
Краіна: Беларусь
Вобласьць: Гомельская
Раён: Хвойніцкі
Часавы пас: UTC+3
Тэлефонны код: +375 2346
СААТА: 3254700036
Нумарны знак: 3
Геаграфічныя каардынаты: 52°00′14″ пн. ш. 30°12′37″ у. д. / 52.00389° пн. ш. 30.21028° у. д. / 52.00389; 30.21028Каардынаты: 52°00′14″ пн. ш. 30°12′37″ у. д. / 52.00389° пн. ш. 30.21028° у. д. / 52.00389; 30.21028
Рашаў на мапе Беларусі ±
Рашаў
Рашаў
Рашаў
Рашаў
Рашаў
Рашаў

Ра́шаў[1] — былая вёска ў Беларусі, каля ракі Брагінкі. Уваходзіў у склад Хвойніцкага райсавету Гомельскай вобласьці. Знаходзіцца за 16 км на паўночны ўсход ад места і чыгуначнай станцыі Хвойнікаў, на аўтамабільнай дарозе Хвойнікі — Рэчыца.

Гісторыя[рэдагаваць | рэдагаваць крыніцу]

Ці не ўпершыню Рашаў згаданы ў судовым дэкрэце ад 12 чэрвеня 1618 году. Справа датычылася насланьня людзей панства Гальшкі і Міхала Лозкаў з добраў Юравічы на грунты маёнтку Хойнікі пана Мікалая Харлінскага і забраньня паташу, нападу на карчму Рашаў. У акце ад 7 чэрвеня 1623 году аб наезьдзе на Астраглядаўскі маёнтак і замак, мястэчка Новы Харленж (Хвойнікі) і прыналежныя ім паселішчы названа таксама "wieś Raszow"[2]. Месьцілася паселішча ў Кіеўскім ваяводзтве Каралеўства Польскага. Ад тых часоў і да рэформавага пэрыяду ў складзе Расейскай імпэрыі (1860-я гады) Рашаў належаў тым самым уладальнікам, што і Хвойнікі з Астраглядамі, г. зн. пасьля Харлінскіх, ад 1624 г. – панам Мікалаю Абрамовічу, Максыміліяну Бразоўскаму, князям Шуйскім, сямейству Прозараў.

З 1793 году – у межах Чарнігаўскага намесьніцтва, з 1796 году ў Рэчыцкім павеце Маларасейскай, з 1797 году Менскай губэрні Расейскай імпэрыі. Паводле рэвізіі 1795 г. Слабада Рашаў, у якой налічвалася 7 двароў і 33 жыхары, была ў заставе ад пані Людвікі з князёў Шуйскіх Прозар у мсьціслаўскага стольніка Юстыніяна Фурса. Прозьвішчы жыхароў – Добыш, Аўдзеенка, Душкевіч, Ярац[3].

У парэформавы час паселішча належала да Маладушскай воласьці Рэчыцкага павету Менскай губэрні. У 1879 годзе названа ў складзе Маладушскага царкоўнага прыходу. Згодна зь перапісам 1897 году, дзейнічала хлебазапасная крама.

У 1931 годзе арганізаваны калгас. У чэрвені 1943 году акупанты цалкам спалілі вёску і забілі 11 жыхароў. 27 вяскоўцаў загінулі на франтах.

Насельніцтва[рэдагаваць | рэдагаваць крыніцу]

  • 1795 год — 7 двароў, 33 жыхары.
  • 1816 год — 28 двароў.
  • 1850 год — 64 жыхары.
  • 1897 год — 165 жыхароў (згодна зь перапісам).
  • 1930 год — 46 дввароў, 247 жыхароў.
  • 1940 год — 51 двор, 259 жыхароў.
  • 1959 год — 220 жыхароў (паводле перапісу).
  • 2004 год — жыхароў няма.

Забудова[рэдагаваць | рэдагаваць крыніцу]

Плян Рашава складаецца з простай мэрыдыяннай вуліцы, да якой на поўдні далучаецца зьлёгку скрыўленая вуліца. Забудова двухбаковая, драўлянымі хатамі сядзібнага тыпу[4].

Крыніцы[рэдагаваць | рэдагаваць крыніцу]

  1. ^ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4. (pdf)
  2. ^ Źródła dziejowe . T. XXI. Polska XVI wieku pod względem geograficzno-statystycznym. T. X. Ziemie ruskie. Ukraina (Kijów - Bracław). Dział II-gi. Opisane przez Aleksandra Jabłonowskiego. – Warszawa, 1894. S. 281, 637
  3. ^ Слабада Рашаў у 1795 г.
  4. ^ Гарады і вёскі Беларусі. Энцыкл. Т. 2. Кн. 2. — Менск, 2005.

Літаратура[рэдагаваць | рэдагаваць крыніцу]