Расмус Гёйлюн
| Расмус Гёйлюн | ||
 | ||
| Пэрсанальная інфармацыя | ||
|---|---|---|
| Нарадзіўся | 4 лютага 2003[1] (23 гады) | |
| Рост | 191 см | |
| Пазыцыя | нападнік | |
| Клюбная інфармацыя | ||
| Клюб | Напалі | |
| Нумар | 19 | |
| Клюбы | ||
| Гады | Клюб | Гульні (галы)¹ |
| 2020—2022 | Капэнгаген | 19 (0) |
| 2022 | Штурм Грац | 18 (9) |
| 2022—2023 | Аталянта | 32 (9) |
| 2023—2026 | Манчэстэр Юнайтэд | 62 (14) |
| 2025—2026 | → Напалі | 33 (12) |
| 2026— | Напалі | |
| Зборныя | ||
| 2022— | Данія | 34 (13) |
|
¹ Колькасьць гульняў і галоў за прафэсійны клюб лічыцца толькі | ||
Ра́смус Гё́йлюн (па-дацку: Rasmus Højlund; нар. 4 лютага 2003 году) — дацкі футбаліст, нападнік італьянскага клюбу «Напалі» (у арэндзе з «Манчэстэр Юнайтэд») і нацыянальнай зборнай Даніі.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Ён дэбютаваў у прафэсійным футболе 25 кастрычніка 2020 году, баронячы колеры «Капэнгагену» ў веку 17 гадоў[2]. 29 ліпеня 2021 году матчы супраць жодзінскага «Тарпэда»-БелАЗ адзначыўся дублем у матчы Лізе канфэрэнцыяў. У студзені 2022 году нападнік далучыўся да аўстрыйскага клюбу «Штурм» за 1,8 мільёнаў эўра[3]. У 21 матчы ўсіх спаборніцтваў канца 2021—2022 гадоў і пачатку 2022—2023 гадоў правёў 12 галоў[4]. 27 жніўня 2022 году Гёйлюн склаў кантракт з клюбам Сэрыі А «Аталянтай» на суму 17 мільёнаў эўра[4][3]. Першым голам адзначыўся 5 верасьня ў выязным матчы супраць «Монцы», дзкуючы чаму бэргамаскі здабылі перамогу зь лікам 2:0[5]. У пачатку сэзону выходзіў на замену, але здолеў выцесьніць з складу Дувана Сапату, стаўшы асноўным форвардам каманды. У студзені 2023 году ў чатырох матчах запар чатыры разы пацэліў у брамы супернікаў[6][7].
29 ліпеня гулец далучыўся да ангельскага «Манчэстэр Юнайтэд» за 64 мільёны фунтаў ды 8 мільёнаў фунтаў у дадатак праз бонусы. Гулец пагадзіўся на пяцігадовы кантракт з магчымасьцю падаўжэньня яшчэ на адзін год[8]. Датчанін няблага згуляў першы сэзон. 20 верасьня ён правёў свой першы гол за клюб у выязным матчы супраць «Баварыі» (4:3) у першым матчы Лігі чэмпіёнаў 2023—2024 гадоў[9]. 18 лютага футбаліст улучыў абодва галы «Юнайтэд» у пераможным матчы супраць «Лутан Таўн» (2:1), першы зь якіх быў праведзены ўсяго праз 37 сэкундаў пасьля пачатку матчу. Гэта зрабіла Гёйлюна наймаладзейшым гульцом, які адзначыўся ў шасьці запар матчах Прэм’ер-лігі[10]. Пасьля сваіх выступаў у лютым нападнік атрымаў узнагароду найлепшага гульца месяца лігі, стаўшы першым датчанінам у гісторыі Прэм’ер-лігі з такім уганараваньнем[11]. Пацэліўшы два мячы ў двух апошніх матчах супраць «Ньюкасл Юнайтэд» і «Брайтан энд Гоўв Альбіёну», Гёйлюн завяршыў дэбютны сезон у Манчэстэры зь дзесяцьцю галамі ў Прэм’ер-лізе. Ён таксама правёў пяць галоў у шасьці матчах Лігі чэмпіёнаў, а таксама адзін гол у Кубку Ангельшчыны[12]. Цягам наступанага сэзону Гёйлюн быў моцна крытыкаваны з боку экспэртаў і заўзятараў за свае слабыя выступы. Ён правёў сэрыю з 16 матчаў Прэм’ер-лігі без галоў.
У выніку 1 верасьня 2025 году паводле пагадненьня арэнды прыяднаўся да «Напалі». 13 верасьня адзначыўся першым голам у дэбютным матчы лігі супраць «Фіярэнтыны»[13].
Міжнародная
[рэдагаваць | рэдагаваць код]У верасьні 2022 году Гёйлюн згуляў першыя матчы ў складзе зборнай Даніі супраць зборных Харватыі і Францыі ў Лізе нацыяў[14]. 23 сакавіка 2023 году ўпершыню выйшаў у стартавым складзе зборнай, зрабіўшы хет-трык у пераможным матчы зь лікам 3:1 супраць зборнай Фінляндыі падчас адборачнага матчу чэмпіянату Эўропы 2024 году[15]. Кваліфікацыйны этап скончыў як найлепшы бамбардзір зборнай, маючы на сваім рахунку сем галоў[16].
Дасягненьні
[рэдагаваць | рэдагаваць код]«Капэнгаген»:
- Чэмпіён Даніі: 2022
«Чэлсі»:
- Уладальнік Кубка Ангельшчыны: 2024
«Напалі»:
- Уладальнік Супэркубка Італіі: 2025
Крыніцы
[рэдагаваць | рэдагаваць код]- ↑ Transfermarkt (мн.) — 2000.
- ↑ DEBUTANTEN HØJLUND: DET ER HELT SURREALISTISK – MEN JEG SKAL HJEM OG I SKOLE! // 26.10.2020 г. Архіўная копія ад 23.06.2023 г.
- 1 2 Campanale, Susy. Official: Atalanta break bank for 'new Haaland' Hojlund // Football Italia, 27.08.2022 г. Архіўная копія ад 26.03.2023 г.
- 1 2 WELCOME, HØJLUND!. Atalanta (27.08.2022). Архіўная копія ад 24.04.2023 г.
- ↑ Bettoni, Lorenzo. Monza 0–2 Atalanta, Gasp new Serie A leader // Football Italia, 05.09.2022 г. Архіўная копія ад 06.09.2022 г.
- ↑ Atalanta : Rasmus Højlund, la nouvelle pépite danoise qui a fait oublier Duván Zapata. Foot Mercato : Info Transferts Football (22.01.2023). Архіўная копія ад 15.06.2023 г.
- ↑ Lookman crowned January's POTM!. Atalanta (09.02.2023). Архіўная копія ад 17.02.2023 г.
- ↑ Man Utd agree £72m deal to sign Atalanta's Hojlund // BBC Sport Архіўная копія ад 07.08.2023 г.
- ↑ Manchester United find hope in Højlund despite Kane's dominant display. The Guardian (20.09.2023). Архіўная копія ад 20.09.2023 г.
- ↑ Hojlund makes Premier League history as Man Utd hold off Luton // France 24, 18.02.2024 г. Архіўная копія ад 25.02.2024 г.
- ↑ Hojlund makes history as EA SPORTS Player of the Month. Premier League (08.03.2024). Архіўная копія ад 13.04.2024 г.
- ↑ Rasmus Højlund on track to achieve top scorer status in his first season at Man Utd. Manchester United (20.05.2024).
- ↑ Napoli stroll to 3-1 win at Fiorentina, Hojlund scores on debut
- ↑ Rasmus Højlund: A Remarkable Start to His Denmark Career // 18.10.2023 г.
- ↑ Hojlund the hat-trick hero as Denmark beat Finland 3–1. Reuters (23.03.2023).
- ↑ EURO 2024 qualifying top scorers: Romelu Lukaku races clear of competition. UEFA (20.11.2023).