Разэнборскі замак

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Разэнборг
Rosenborg Slot
Rosenborg cph.jpg
Від на Разэнборскі замак з боку саду
Тып Замак
Архітэктурны стыль Дацкае Адраджэньне
Месцазнаходжаньне Данія, Капэнгаген
Замоўца Крыстыян IV
Пачатак будаўніцтва 1606
Сканчэньне будаўніцтва 1624
Архітэктар Ганс ван Стэнвінкель (малодшы), Бэртэль Лянге
Каардынаты 55°41′8″ пн. ш. 12°34′40″ у. д. / 55.68556° пн. ш. 12.57778° у. д. / 55.68556; 12.57778Каардынаты: 55°41′8″ пн. ш. 12°34′40″ у. д. / 55.68556° пн. ш. 12.57778° у. д. / 55.68556; 12.57778
Разэнборг на мапе Даніі
Разэнборг
Разэнборг
Разэнборг

Разэнбо́рскі за́мак (па-дацку: Rosenborg Slot) — рэнэсансны замак у Капэнгагене (Данія), пабудаваны ў пачатку XVII стагодзьдзя як лецішча караля Крыстыяна IV.

Мінуўшчына[рэдагаваць | рэдагаваць крыніцу]

Будаўніцтва скончылася ў 1624 року, да 1710 замак быў каралеўскай рэзыдэнцыяй, пасьля караляваньня Фрэдэрыка IV цырымоніі ў ім адбываліся толькі двойчы: у сувязі з пажарам у Крыстыянборскім палацы 1794 року і ў часе нападу брытанцаў на Капэнгаген у 1801.

Архітэктура[рэдагаваць | рэдагаваць крыніцу]

Разьмешчаная на трэцім паверсе Даўгая заля была скончаная ў 1624 року і пачаткова прызначалася для баляваньня. Пазьней стала выкарыстоўвацца каралём для прыёму візытаў і бяседаў. З другой паловы XIX стагодзьдзя вядомая пад назовам «Рыцарскае залі».

Крыстыян V часткова мадэрнізававаў залю і зьмясьціў дванаццаць габэленаў зь перамогамі ў Сконскай вайне. Цяперашняя атынкаваная столя паходзіць з пачатку XVIII стагодзьдзя, на ёй выяўлены герб Даніі, а паабапал разьмешчаныя ордэны Слана і Данэброга. Бакавыя рэльефы адлюстроўваюць гістарычныя падзеі ад першых гадоў караляваньня Фрэдэрыка IV, сярод якіх вызваленьне прыгонных, заснаваньне драгунаў і рушаньня.

Зборы[рэдагаваць | рэдагаваць крыніцу]

З 1838 року Разэнборскі замак адкрыты для наведваньняў і агляду каралеўскіх збораў ад канца XVI да XIX стагодзьдзя.

Асаблівую цікавасьць для турыстаў уяўляе скарбніца з каралеўскімі каштоўнымі камянямі і рэгаліямі(en), тут жа захоўваюцца і каранацыйны дыван, і троннае крэсла.

Вакол замку разьбіты Каралеўскі сад, таксама вядомы як «Разэнборскі замкавы сад». Гэта найстарэйшы каралеўскі сад Даніі, аздоблены ў рэнэсансным стылі Крыстыянам IV неўзабаве пасьля пабудовы замку. Сады наведваюць, акрамя мясцовых жыхароў, каля 2,5 мільёнаў турыстаў штогод.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Разэнборскі замаксховішча мультымэдыйных матэрыялаў