Радзіма (тэлесэрыял)

Радзіма
Жанр	тэлевізійная драма[d], тэлесэрыял-трымценьнік[d] і шпіёнскі тэлесэрыял[d]
Стваральнік	Гоўард Гордан[d], Алекс Ганса[d] і Гедэон Раф[d]
Заснаваны на	Ваеннапалонныя[d]
У ролях	Клэр Дэйнз[d] Дэм’ен Льюіс[d] Мэндзі Патынкін[d] Марэна Бакарын[d] Дэйвід Гэрўуд[d] Сара Сакаловіч[d] Дыега Клатэнгоф[d] Джэксан Пэйс[d] Морган Сэйлар[d] Джэймі Шэрыдан[d] Дэйвід Марчыяна[d] Навід Нэгабан[d] Рупэрт Фрэнд[d] Сарыта Чоўдгуры[d] Трэйсі Лэтс[d] Фарыд Мюрэй Абрагам[d] Назанін Баньядзі[d] Лэйла Робінз[d] Сэбастыян Кох[d] Міранда Ота[d] Аляксандар Фэлінг[d] Элізабэт Марвэл[d] Моры Стэрлінг[d] Лайнус Роўч[d] Джэйк Ўэбэр[d] Морган Спэктар[d]
Кампазытар	Шон Колеры[d]
Краіна	ЗША
Колькасьць сэзонаў	8
Колькасьць сэрыяў	96 (сьпіс эпізодаў тэлесэрыялу „Бацькаўшчына“[d])
Мова	ангельская мова
Вытворчасьць
Прадусар	Алекс Ганса[d]
Выканаўчыя прадусары	Майкл Кўэста[d], Генры Бромэль[d], Аляксандар Кэры[d], Чып Ёганэсэн[d], Мэрэдыт Штым[d], Лэсьлі Лінка Глятэр[d] і Рон Нюсванэр[d]
Апэратар	Дэйв Кляйн[d]
Вытворчасьць	Кешэт[d]
Месца здымак	Паўночная Караліна, Шарлот, Тэль-Авіў, Пуэрта-Рыка, Марока, Кейптаўн, Бэрлін, Нью-Ёрк і Рычманд
Даўжыня сэрыі	55 хвіліна
Трансьляцыя
Тэлеканал	Showtime[d]
На экранах	—
Фармат відэа	16:9[d]
Спасылкі
Афіцыйны сайт
Старонка на IMDb

Радзі́ма (па-ангельску: Homeland) — шпіёнскі тэлесэрыял ЗША, адаптацыя ізраільскага драматычнага сэрыялу Ваеннапалонныя (па-габрэйску: חטופים‎). Стваральнікі — Гоўард Гордан і Алекс Ганса; стваральнік ізраільскай першакрыніцы Гедэон Раф стаў у амэрыканскай вэрсіі выканаўчым прадусарам. Выканаўцы галоўных роляў сталі Клэр Дэйнс (Кэры Мэтысан, афіцэрка ЦРУ зь біпалярным разладам) ды Дэм’ен Льюіс (Нікаляс Броўдзі, снайпэр-выведнік Корпусу марской пяхоты ЗША). Броўдзі вярнуўся з палону Аль-Каіды, і Мэтысан перакананая, што падчас гэтых васьмі гадоў ён перакінуўся на бок ворага. Вакол ейнага рассьледаваньня і разгортваецца сюжэт.

Першая сэрыя выйшла 2 кастрычніка 2011 року, агулам выйшлі 8 сэзонаў. Апошняя сэрыя была паказаная 26 красавіка 2020. Асабліва высокую глядацкую адзнаку зарабілі першыя два сэзоны. «Радзіма» атрымала некалькі ўзнагародаў, у прыватнасьці першы сэзон быў узнагароджаны «Залатым Глёбусам» і «Эмі» за найлепшы драматычны сэрыял; другі сэзон таксама здабыў «Залаты Глёбус». Клэр Дэйнс была двойчы ўзнагароджаная прэміяй «Эмі» за найлепшую жаночую ролю, а Дэм’ен Льюіс — прэміяй «Эмі» за найлепшую мужчынскую ролю.

Агляд

1-ы сэзон (2011)

Кэры Мэтысан, апэратыўная супрацоўніца ЦРУ, правяла ў Іраку недазволеную апэрацыю і адпраўленая ў Цэнтар контратэрарыстычнай дзейнасьці ЦРУ ў Лэнглі (Вірджынія). Нікаляса Броўдзі, сяржанта Корпусу марской пяхоты, зьніклага бязь вестак у 2003 року, вызваляюць з хованкі тэрарыста Абу Назыра. На радзіме Броўдзі ўважаюць героем, аднак Кэры падазрае, што ён намервае зьдзейсьніць тэракт.

2-і сэзон (2012)

Пасьля ганебнага выгнаньня з ЦРУ Кэры вяртаецца да працы, пасланая з выведніцкай задачай у Бэйрут. Броўдзі ўзмацняе свае пазыцыі, трапіўшы ў памочнікі да віцэ-прэзыдэнта Ўолдэна, працягваючы пры гэтым служыць Абу Назыру.

3-і сэзон (2013)

Пасьля тэрарыстычнага замаху на Лэнглі Броўдзі ўцёк з краіны, а Кэры намагаецца абяліць ягонае імя. Дырэктар ЦРУ Саўл Бэрэнсан запускае ініцыятыву па пошуку афіцэра іранскай выведкі Маджыда Джавадзі, які прафінансаваў атаку на Лэнглі.

4-ы сэзон (2014)

Кэры працуе кіраўніцай рэзыдэнтуры ЦРУ ў Кабуле (Аўганістан), а пазьней у Ісламабадзе (Пакістан). Яна назірае за правалам дронавай атакі на меркаванае месцазнаходжаньне тэрарыста Гайсама Гакані, якая выклікае раздрай у ЦРУ і разьюшвае надзвычай небясьпечнага тэрарыста. Каб высачыць Гакані, Кэры наймае моладзь. Інфармацыя, прадастаўленая пакістанцам незадаволеным амэрыканцам, вядзе да катастрафічных вынікаў.

5-ы сэзон (2015)

Ад падзеяў 4-га сэзону мінулі 2 гады. Кэры звольнілася і працуе кіраўніцай аддзелу бясьпекі прыватнай дабрачыннай фундацыі ў Бэрліне (Нямеччына).

6-ы сэзон (2017)

Мінулі некалькі месяцаў, і Кэры вяртаецца ў ЗША ды пасяляецца ў Брукліне (Нью-Ёрк). Тут яна працуе ў фундацыі па наданьні дапамогі мусульманам. Падзеі адбываюцца ў пэрыяд між выбарамі ды інаўгурацыяй першай жанчыны-прэзыдэнта.

7-ы сэзон (2018)

Кэры звольнілася з працы ў Белым доме і вярнулася ў Вашынгтон да сваёй сястры Мэгі. Яна процістаіць адміністрацыі прэзыдэнткі Кін, каб дабіцца вызваленьня 200 супрацоўнікаў выведкі, арыштаваных у мінулым сэзоне за прэзыдэнцкім тэрмінам.

8-ы сэзон (2020)

Саўл, які стаў дарадцам прэзыдэнта па нацыянальнай бясьпецы, выпраўляецца ў Аўганістан на мірныя перамовы з Талібанам. Яму патрэбная дапамога Кэры, якая аднаўляецца пасьля турэмнага зьняволеньня ў Расеі.

Ролі

• Клэр Дэйнс — Кэры Мэтысан, апэратыўная супрацоўніца пры Цэнтры контратэрарыстычнай дзейнасьці ЦРУ. Мае біпалярны разлад, лічыць, што Броўдзі, які вярнуўся з палону, — тэрарыст. Па звальненьні з ЦРУ жыве прыватным жыцьцём у Бэрліне, пасьля ў Нью-Ёрку.
• Дэм’ен Льюіс — Нікаляс Броўдзі, сяржант Корпусу марской пяхоты, вызвалены спэцаддзелам «Дэльта» з васьмігадовага палону Аль-Каіды. Кангрэсмэн.
• Марэна Бакарын — Джэсыка Броўдзі, Нікалясава жонка. Думаючы, што ейны муж загінуў, пачала стасункі з Майкам. Пасьля доўгай адсутнасьці мужа спрабуе наладзіць зь ім стасункі.
• Дэйвід Гэерўуд — Дэйвід Эстэс, дырэктар Цэнтру контратэрарыстычнай дзейнасьці ЦРУ, начальнік Кэры.
• Дыега Клятэнгоф — Майк Фэйбэр, капітан, пасьля маёр Корпусу марской пяхоты. Найлепшы сябар Нікаляса Броўдзі. Калі таго палічылі памерлым, пачынае стасункі зь ягонай жонкай Джэсыкай.
• Джэксан Пэйс — Крыс Броўдзі, сын Нікаляса і Джэсыкі.
• Морган Сэйлар — Дана Броўдзі, дачка Нікаляса і Джэсыкі.
• Мэндзі Патынкін — Саўл Бэрэнсан, настаўнік Кэры і кіраўнік сярэдняўсходняга аддзяленьня ЦРУ; пасьля выканаўца абавязкаў дырэктара ЦРУ.
• Джэймі Шэрыдан — Ўільям Ўолдэн, віцэ-прэзыдэнт ЗША, колішні дырэктар ЦРУ.
• Дэйвід Маркіяна — Вірджыл Пятроўскі, экспэрт відэаназіраньня, былы супрацоўнік ЦРУ. Дапамагае Кэры сачыць за Броўдзі.
• Навід Нэгабан — Абу Назыр, высокапастаўлены ўдзельнік Аль-Каіды.
• Рупэрт Фрэнд — Пітэр Кўін, апэратыўнік і найманы забойца ЦРУ.
• Сарыта Чаўдгуры — Міра Бэрэнсан, Саўлава жонка.
• Трэйсі Летс — сэнатар Эндру Локгарт, пазьней дырэктар ЦРУ.
• Фарыд Мюрэй Абрагам — Дар Адаль, спэцыяліст па сакрэтных апэрацыях.
• Назанін Баніядзі — Фара Шэразі, мусульманка-аналітык ЦРУ.
• Лэйла Робінз — Марта Бойд, амбасадарка ЗША ў Пакістане.
• Сэбастыян Кох — Ота Дурынг, нямецкі філянтроп, начальнік Кэры.
• Міранда Ота — Элісан Кар, кіраўніца бэрлінскай рэзыдэнтуры, падпарадкаваная непасрэдна Бэрэнсану.
• Аляксандар Фэлінг — Ёнас Голяндэр, юрысконсульт Фундацыі Дурынга, хлопец Кэры.
• Сара Сакаловіч — Лора Сатан, амэрыканская журналістка ў Бэрліне, працуе на Фундацыю Дурынга.
• Элізабэт Марвэл — Элізабэт Кін, малодшая сэнатарка зь Нью-Ёрку, абраная прэзыдэнткай ЗША.
• Моры Стэрлінг — Макс Пятроўскі, Вірджылаў брат, экспэрт відэаназіраньня, які супрацоўнічае з Кэры.
• Лайнус Роўч — Дэйвід Ўэлінгтан, кіраўнік адміністрацыі Белага дому.
• Джэйк Ўэбэр — Брэт О’Кіф, мэдыйная асоба.
• Морган Спэктар — Дантэ Ален, стары сябар Кэры.
• Коста Ронін — падпалкоўнік Яўген Громаў, старэйшы апэратыўны супрацоўнік ГРУ Расеі.
• Німарт Каур — Ташым Кюрэйшы, супрацоўніца пакістанскай Міжведамаснай выведкі.
• Нуман Акар — Гайсам Гакані, кіраўнік Талібану.

Ацэнкі

Першы сэзон сэрыялу атрымаў амаль максымальную ўхвалу. Metacritic паставіў яму ацэнку 92 з 100 паводле 28 крытыкаў і паставіў на другое месца ў 2011 року. Другі сэзон таксама атрымаў абсалютную ўхвалу, на Metacritic дасягнуўшы рэйтынгу 96 з 100 паводле 21 крытыка. Далейшыя сэзоны згоршалі.

Першую сэрыю «Радзімы», што выйшла 2 кастрычніка 2011 року, пабачылі 1,08 мільёнаў гледачоў, што стала найбольш прагляданай прэм’ерай на канале Showtime за апошнія восем гадоў. З улікам іншых каналаў і на запатрабаваньне сэрыю паглядзелі 2,78 мільёнаў гледачоў. Апошняя сэрыя 1-га сэзону стала найбольш прагляданай з усіх апошніх сэрыяў 1-ых сэзонаў сэрыялаў каналу Showtime — 1,7 млн. У 2-м сэзоне рэйтынгі вырасьлі, і сэрыю 9 сьнежня 2012 року праглядзелі 2,36 млн гледачоў.

Сэрыял меў посьпех і ў Вялікабрытаніі: першую сэрыю праглядзелі 2,2 млн гледачоў, а апошнюю 1-га сэзону — 2,8 мільёна. У другім сэзоне прагляды ўпалі: першую сэрыю пабачылі 2,3 млн, апошнюю — 2,1 млн.

Узнагароды і намінацыі

У дэбютным сэзоне сэрыял атрымаў некалькі ўзнагародаў, пачынаючы прэміяй Пібадзі ў красавіку 2012 року. На 64-й прэміі «Эмі» быў дзевяць разоў намінаваны і шэсьць разоў перамог у катэгорыях за найлепшую драму, найлепшай драматычнай акторцы (Клэр Дэйнс), найлепшаму драматычнаму актору (Дэм’ен Льюіс), за найлепшы сцэнар (Алекс Ганса, Гоўард Гордан і Гедэон Раф).

На 69-й цырымоніі «Залатога глёбусу» сэрыял атрымаў узнагароду найлепшаму драматычнаму тэлесэрыялу, а Клэр Дэйнс — найлепшай акторцы драматычнага тэлесэрыялу. На 70-й цырымоніі «Залатога глёбусу» «Радзіма» другі раз запар была прызнаная найлепшым драматычным тэлесэрыялам, Дэйнс ізноў здабыла прыз найлепшай акторцы, а Льюіс — найлепшаму актору драматычнага тэлесэрыялу.

Крытыка

Лібанскаму ўраду не спадабалася выяўленьне вуліцы Гамры ў Бэйруце. У сэрыяле гэта нейкі завулак, па якім шнараюць баевікі, а ў рэчаіснасьці на гэтай вуліцы процьма кавярняў і бараў. Акрамя таго, Міністэрству турызму не спадабался, што сцэны ў Лібане насамрэч здымалі ў Ізраілі.

Мусульманам ЗША не спадабалася, у якім сьвятле іх выстаўляюць у сэрыяле.

Вонкавыя спасылкі

• Homeland (анг.) на сайце IMDb